口罩….. 係一個乜嘢問題？

口罩….. 係一個乜嘢問題？

首先係：香港冇理由唔夠。

跟進番 FB 大量爆料，其實政府早就設計好，由懲教署生產 Q 嘜口罩，車咗懲教署字樣，每日生產量大約五萬個，足夠俾香港政府人員使用。懲教署工場每年生產量大約一千五百萬個，而日前政府自己都爆响口，預備好一千萬個備用。

至於醫護人員額外需要使用嘅「重量級」口罩，N95，發言人都提到起碼夠用三個月，呢類口罩，即使外國廠家要加單，三個月唔會趕唔切嘛。

因此站在抗疫最前線同最有需要使用嘅口罩，冇理由唔夠用…. 又使乜跪求北京恩賜？

至於街上，路人甲乙丙都識講，見過沙士嘅，都知道當年最嚴重嘅時候，都唔會冇口罩賣…. 而當年都係全球傳染，全世界都要用口罩，總唔見得當年口罩生產力會高得過十七年後嘅而家？

咁樣今次香港實在發生緊乜嘢事？

第二個問題，唔係香港有乜事，而係中國有乜事。

其實只要將鏡頭掉轉一下，唔好淨係睇香港，睇下世界情況就一目了然：但凡有中國人嘅地方，就會出現搶購潮，啲口罩源源不絕往中國內地運送。

其實情況一如毒奶粉之後的搶購奶粉情況一樣。中國唔係冇奶粉，正如中國都係口罩生產大國….. 不過到命仔要緊嘅時候，到底中國人會揀邊樣？

呢個情況，相信最驚嘅，係中南海裡面班大帝….. 深層次矛盾，唔係香港咁簡單，而係全國嘅政權，去到省一級，都係集體敷衍；而到大難臨頭，冇人會想做共產黨嘅替死鬼。

第三個問題：金觀濤到底啱定錯

呢下就好玩了：按金觀濤嘅分析，中國歷代都係「脆性連結」嘅社會。由中央皇權以強控制手段夾硬併湊出一個所謂「大一統」的表象出來，但到了某種壓力臨界點，一旦出現控制不到的事情，就會出現崩潰情況。所謂「治亂興衰」的大循環，

其實就是這樣來的。

一場瘟疫，其實不足以「動搖國本」，這是一個規模效應的問題而已。 不過裂痕只會越發明顯，只待真正的狂風暴雨，而世人無法預見。

與其憂鬱，不如想想長遠如何自保。

作者：蕭少滔

香港中文大學工商管理學院本科生校友會會長、 (前) 香港中文大學學生會辯論學會首席顧問、香港中文大學辯論隊校友會主席、香港中文大學工商管理學院 (國際商業/法律) HEC School of Management Paris, (Financial Engineer, Geopolitics) 恒生商學書院 香港華仁書院

閱讀後覺得好，請多多讚好及分享～：）