未有疫埠之名,卻行疫埠之實

政治 / 最新文章綜覽

 

以史為鑑可以知興替,以人為鑑可以明得失。所謂鑑古知今,就係從歷史中學習,減少重覆犯錯既機會。係呢個神奇國度入面,無奈歷史成日重演,回力鏢愈發愈有力,當武漢肺炎同沙士拍埋黎比較下,真係唔難發現係信心危機呢方面,今次比上次真係有過之而無不及。

落街大家或會發現,除左搶口罩之外,連清潔用品、日常食品甚至被譽為五餅二魚都分唔哂、稱為香港軍用口糧既嘉頓什餅都出現搶購既情況,就如健吾所講,(所有野,你而家痴「消滅病毒」四隻字上去,都會好好賣。)既情況。當然如果你想粉飾太平,你大可以話係大家假期完未補貨姐,連漂白水都可以搶到冇哂既同時,恆指係跌到近八百幾點。如果你仲係覺得呢D係技術性調整,唔洗怕,睇黎你應該可以係政府做高官,佢地呢個同溫層大把位留俾你。

我唔會怪人盲搶野。你知我知,單眼佬都知,由頭到尾就係信唔過你。你信一個執行力0既行政機關定係信傳染病學專家?依家已經唔需要假新聞話香港係疫埠大家都已經當左疫埠咁應對,係大家都預視到將會發生咩事既反射動作黎,係無可奈何。當年我地有冇人要求過封關?當年都要講左疫埠大家先會驚到去搶野買,依家就連本地個案都未出現就已經咁恐慌,當一個人發佈就會係唯恐天下不亂,但係當一大班人同樣咁做,遲早會係另一波群眾運動既浪頭。

當大家諗緊點樣買到口罩俾自己用,佢地仲在乎出左幾多新聞稿、搞左幾多次記者會、寫左幾多個字,一個政府唔係blogger,有乜野既KPI係需要不斷將主子擺出黎表彰?唔係妹仔,係奴才,係狗,最撚可憐既係大家仲要去供養呢班仆街。

當年好多人都屌董健華做得有幾差,但時至今日開始有人懷念佢,唔係因為佢做得好,而係有人做得比佢更差。我地能夠見證疫埠下既生活,睇怕真係有今生冇來世,何其快哉。

 

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 203270
Date: 2020-01-30 13:55:01
Generated at: 2020-06-05 18:06:49
Permalink: https://www.vjmedia.com.hk/articles/2020/01/30/203270/未有疫埠之名,卻行疫埠之實