一年一度屌鳩上莊嘅時間又開始啦!

 

首先,利申:上過莊。

本身唔諗住開文覆下連登,不過冇人去講上莊呢件事,每個人心目中就得返城大反枱嘅刻板印象。筆者絕對接受批評,更歡迎理性討論,亦接受其他筆者睇唔過眼喺輔仁「討伐」翻我轉頭。輔仁之百花齊放,就喺因為鼓勵大家以文會友。

入正題,社運至今七個月,唔知各位看倌對於「學界」有咩評價。由初期嘅各大學生會以會費金錢作支援,到後期避免學生會呢個「法人」被DOJ告暴動或者煽動啲乜乜柒柒,只能暗地裏動員屬下組織,叫下學生會員發夢。有幾多人話各大學生會消失咗嘅人情冷暖,通通筆者都看在眼內。君不見,科大嘅一百零三萬畀學生claim返物資錢。君不見,理大署任會長喺理大入面支援困獸鬥,冒畀人告暴動嘅風險。只見每年都指摘incon、o con/campaign嘅人排山倒海,而不知道有幾多行政上嘅程序需要上莊老鬼去講解,有幾多歷史、關係冇文件記錄而需要知情者釐清,恃住唔認識、對上莊無知嘅寶劍對上莊瘋狂批評,引用18年叱咤頒獎禮艾粒話「幾時開始唔識嘅嘢,要話畀人聽,仲要咁大聲,好威咩。」當然,筆者冇否定學生會透明度低呢回事,只喺非大學生,又或者畢業生仲會去了解學生會嘅人,又真喺有幾多呢?(筆者算喺其中一個啦。)

如果各位看倌對筆者以大莊(即學生會幹事會)作比喻有所不妥,又或者喺疫情下仲應唔應該con。我希望大家明白,因為會章嘅技術問題,如果不能準時有下莊上任,就會真喺冇晒莊,而且難以喺「法治」嘅層面上啟動重選,而必然地以「人治」做決定,而冇人了解先例一開嘅嚴重性。另外,要下莊上任而又唔一開始教佢地相關嘅知識,做得唔好又不斷批鬥,到真喺冇人再想上莊,又話冇學界力量,「公就你贏,字就我輸」,咁冇空間討論落去。而喺咪需要面對面出黎incon嘅形式,並唔喺冇莊用緊online嘅方式去做,甚至喺教學式嘅online tutorial等等,同時配合正式又畀到壓力嘅incon去加速下莊嘅成長,有何不可?

至於疫情肆瘧下,仍然堅持24incon,筆者不會為其申辯,該貴莊有冇難言之隱而一定要進行incon,筆者並不清楚。驟眼睇,冇彈性堅持搞incon都喺問題嚟。然而,反問各位,點樣唔進行incon下同時有一個正式場合畀到壓力下莊做問答諮詢,筆者冇乜創意,望賜教。

而時間長嘅con甚至harsh con嘅情況,先最為街外人詬病。不如回到最初,講下點解要con啦:大學喺自學嘅世界,幹事會都喺,因為上到莊,成為現莊,所有責任後果都喺同一班人去背負,上莊們都會想嚟緊嘅繼任人可以有自己見解,對於會章、行政上嘅理解都喺自己搵答案。時間長方面,咁搞個ocamp都三日兩夜通頂嘅……而且真喺唔想通頂con,又同上莊傾唔掂數,真喺可以揀唔去嘅。冇人可以迫到其他人上莊,唔喺學界都唔會斷莊斷得咁嚴重。

我認為con嘅原意喺好,但做法就因為「人」嘅因素而有所偏離,就出現「好似問無謂野」、「點解要咁冇禮貌咁問」等等嘅問題。另一方面,有啲con嘅開心位、感動位,都冇被發掘,正如上莊會夜媽媽請晒老鬼下莊食糖水、N代同堂嘅大合照,都喺不為人知,亦稱得上喺「上莊之旅」嘅里程碑。

洋洋千字,唔期望你一下子改變對上莊嘅睇法,不要求任何人同情,但希望各位對堅持喺學界出力嘅學生同理。同時,我相信理性嘅輿論喺改變到學界。作為畢業生,我已經冇身份為學界出咩力,僅希望看倌了解多一啲。

 

作者:朱古力哥哥

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 203279
Date: 2020-01-31 05:40:03
Generated at: 2020-08-15 21:30:32
Permalink: https://www.vjmedia.com.hk/articles/2020/01/31/203279/一年一度屌鳩上莊嘅時間又開始啦!