【外賣仔日記】一開門個客同我講:「我食完喇喎~」(???)

 

之前做咗張外賣單,係一張怪到不堪嘅訂單嚟,而響個客嗰度發生嘅事仲神奇阿。

呢間公司可能仍然咁低能,不過幾低能都好,而家你都未必想嗌,直接派錢俾你用佢哋公司叫外賣,你都未必想嗌,可想言之呢間公司可以有幾咁災難呢。

首先要講下響個客身上發生咩事先,因為送到上去個客到,個客講晒所有發生響佢身上嘅事俾我知。

一個平靜嘅午飯時間,成個家庭,四個人就走去拎起個外賣app 嗌外賣啦,佢哋就嗌咗間茶餐廳嘅嘢食嘅。四個碟頭飯,加埋啲嘢飲,仲有啲小食添,成件事睇落好正常呀。然後佢哋就安坐家中等外賣到,等咗好耐都無嘢食嚟,等候時間變得完全不合理(個外賣其實唔多嘢,絕對唔會因為太多食物餐廳做唔切而遲到),佢哋就走去搵cs 求助,查詢下張單啦。

正常一張外賣單遲到,cs 就梗係幫你睇下張單響邊,然後盡量去想盡辦法加速張單嘅處理速度啦。

但係嗰陣cs 係竟然同個客講話嗌過另一次外賣,之前嗰張單就退款處理。

我當時聽到心諗,下?點解個外賣遲到,解決辦法係嗌過新嘅外賣,而將舊嘅外賣單退款呀,但係都發生咗。

最後佢哋食到嘢食嘅。

呢個就係個客同我講嘅故事。

到我講下點解我會聽到呢個故事,個日我接到張外賣單,係去呢間餐廳到攞嘅,我上到個客到,撳佢門鐘。

叮噹 ~!

客(開門):「邊位?」

我:「外賣呀」

客(問得好認真同仔細兼帶點疑惑嘅語氣):「咩外賣呀?」

我:「XXXXX 外賣公司」

客:「邊間餐廳?」

我:「XXXXX餐廳」

客:「我哋食咗啦喎」

我:「吓?」

因為個客嘅回覆太奇怪,所以我嗰下聽到有啲驚嚇。

跟住個客就講返晒上面個故仔我聽。

當我聽完之後

我:「咁我搵返公司睇下點處理啦。」

之後個客就閂咗門。

我就搵番公司同CS 講話個客食咗嘢啦喎。

最後公司叫我自行處理咗件外賣佢

但係公司咁講其實好麻煩下,因為我真係一個人點食都無可能食四個飯啦,仲有嘢飲同小食呢?

好彩嘅係最後附近有朋友,而佢哋未食飯,先可以幫我消化晒所有嘢食。

我真係覺得好神奇,點解個客取消咗張外賣,重要係由CS 主動幫手取消嘅單,個系統上面仍然繼續處理呢張單,而且仲可以俾人攞去送喎,好彩最後叫做有人食到晒所有嘢食,如果自己又食唔晒,附近咁啱無人食到,真係浪費架。而呢間公司到依家我相信仍然都係可以咁低能吖。

 

專題:【外賣仔日記】

 

作者:外賣仔

外賣仔

閱讀後覺得好,請多多讚好及分享~:)

其他熱門文章

  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 大埔浸信會借 Nick Vujicic 籌款事件補充 by Do Chan
    聚會的定位是「佈道暨擴堂籌款」聚會,這一點是令很多人勃然大怒的。我猜想,其實主辦方並不是想非信徒買票聽福音,他們的目標其實是教會內的富貴會友,他們買票捐錢給教會,教會還以阿 Nick 親身講見證,本意是想雙贏,但結果卻釀成公關大災難。敝教有…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 203322
Date: 2020-02-01 05:41:08
Generated at: 2022-08-09 07:01:01
Permalink: https://www.vjmedia.com.hk/articles/2020/02/01/203322/【外賣仔日記】一開門個客同我講:「我食完喇喎