香港特區主政食衛嘅官員都係得啖笑——自楊永強話「香港無肺炎爆發」講起

 

 

喺特區政府主政食衛嘅,都係啲糖衣包毒藥都極點,拎醫護界嘅光環同一副「依附心」去撈好處。

當年楊永強喺記者會講「香港無肺炎爆發」,最後SARS死咗299人。為嘅,就係「疑似」顧全大陸。俾人推落台固然不爽,所以而家個個失勢,佢就用舊老板老董個殼去「指點江山」。

下一任嘅周一嶽,拎住SARS 增撥嘅資源去推行肥上瘦下。做Due Diligence 又係水過鴨背,搞到醫管局極浪費。轉個身位後,佢就撐同志同力推禁煙去遮去自己過去當官嘅過失。一眾飯民拎到政治好處後好似唔記得晒佢嘅罪孽,請晒佢去Pride 又請佢唱歌,當冇事發生咁。

再下一任嘅高永文,以SARS 醫生自居,講嘢四平八穩活動逢請必到記者有問必答,成為行家竉兒。背後,佢就係有份幫手起公司,接外判醫院醫護合約,同將香港醫療系統嘅 vulnerabilities 拎俾廣州嘅出版社以「防疫」之名公諸於世。當然,仲培養咗個陳凱欣呢個「尊貴議員」。虛偽同惡毒程度,實在係超班。

至於而家呢個陳肇始,緊守林鄭尾門。林鄭去社區對話,佢同場;林鄭去天水圍警局抽水,佢又喺後面。呢個林鄭已經夠病態,咁佢都盡跟做yes minister,咁已經道出佢嘅性格。

再睇佢任內有咩係實施咗?一上任先放寬白米重金屬同蔬菜農藥標準,超標菜一街都係;推醫管局cut budget,喺一早爆煲嘅公營醫療系統再補刀實在痴線;加熱煙比傳統煙Carcinogen 少9成,煙商願意唔賣傳統煙全部轉加熱煙,你最後因為中國國企煙廠研發唔到加熱煙就bam晒佢。

你今日咇兩滴眼淚出嚟,對於十幾年嚟見證香港公營醫療同公共衛生體系倒退嘅人嚟講,真係得啖笑。醫者父母心?You must be joking.

都係Chris Patten 一早睇得通透,香港嘅命運就係由一班昏庸又崇拜權力嘅人,一點一滴凌遲式葬送。執番好呢個香港,都唔知由邊度開始執起。

 

 

作者:巫堃泰

巫堃泰
屯門區議會民選議員(2020-2023),香港大學法學(人權法) 碩士,香港機場發展關注網絡發言人。曾參與香港電台節目評論時政,並經營民間網上電視台。熱衷公共政策及管治研究,從過去到現在積極參與公民社會組織及倡議,創造多項時政惡搞產品,期望用創意改變社會。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 203373
Date: 2020-02-02 00:31:02
Generated at: 2020-06-05 17:27:39
Permalink: https://www.vjmedia.com.hk/articles/2020/02/02/203373/香港特區主政食衛嘅官員都係得啖笑-自楊永強