【裝修個案】元朗唐樓港鐵站10分鐘,五百呎劏四間,合法入則回報五里

 

小妹我上次寫文講過,而家時興嘅買樓投資方式,唔再侷限係整個單位搵人承租,反而係做劏房,租金回報變相高啲。

道理無謂講多次,總之政府政策令年輕人實質住屋需求滿足唔到,必然造就劏房需求,小妹我百般不忍心,唯有將啲房盡量做好啲。👌🏻

 

今次介紹下,上年完工嘅一個單位。背景資料簡單講下啦,但唔會太詳細,畢竟部份涉及業主私隱。

元朗唐六樓,樓齡大約五十年,港鐵站步行約10分鐘。單位原本五百呎,業主希望劏四間,搵我地梗係睇中我地合法入則啦。

業主大約四十歲,睇落似投資客,點解咁講?因為我地同佢去嗰個單位見面,佢自己都係第二次上去,對單位完全無愛!講笑咁講啦。😂😂😂

唐樓最令裝修工人苦惱嘅,係無電梯,呢個單位六樓,運一舊磚一包砂,都係要工人逐啲托上去。唔好以為只係運嘢上去,拆原本裝修都要運返晒啲垃圾落樓。我地公司係唔會待簿工人,所以一般來講唐樓裝修都會特別有樓層附加費呢樣嘢。😊

 

今次比較值得介紹嘅有兩樣嘢,第一係業主好肯玩設計,第二就係,天台防水。

 

業主肯玩設計,對小妹我來講就最開心,希望睇開我嘅讀者都記得,其實我正式來講係負責室內設計部份,只係一般嘅業主都因為種種原因,特別係經濟原因,對「設計」呢回事比較抗拒。

今次呢個業主,可能佢本業都係同家居有關,耳濡目染之下,對於美感都有少少要求,可能嘅情況下,就算做劏房都想有啲點綴。

 

睇相可能比較實際:

呢個鬼鬼祟祟嘅木箱,擺到咁高?其實係電錶箱

 

劏房嘅「走廊」同「玄關」,唔值租,梗係越細越好。但業主要佢細之餘,竟然俾機會我喺呢啲位玩設計,我覺得好開心,我搵返自己呀!😂

 

房入面就咁:

燈幾靚

 

天台防水嘅故事就比較驚險。

話說上年夏天秋天冬天,大家明架啦,「社會事件」影響,加上元朗都係一個「好多活動舉辦」嘅地方,故此工程都有好多延誤,好彩係業主好明白好體諒。

但業主體諒還業主體諒,個天未必體諒。而天台做防水就最睇個天。

呢個唐六樓單位,其實就係頂樓,上面就係天台,連埋天台賣,有辣有唔辣,自己住咪可以上去曬衫曬果皮(?),但無論點,如果天台本身日久失修,你就要整埋佢。

無雨落嘅日子,有活動舉行,又整唔到,無活動舉行又撞正落雨,所以呢幾層防水,係試過整到一層,然後落雨,未乾咪起晒泡泡,到最後我地係要剷左再做過!

當然啦,而家講得俾大家知,都即係已經做好晒。其實做防水都係雨季做比較好,只要趁唔落雨嘅幾日,做好之後,就唔洗特登開水喉灌水,個天會幫你手測試。

順帶一提,如果你裝修嘅單位想換窗,就更加應該喺雨季做,天然雨水試漏水係最好,你開喉射窗一定俾樓下鬧,唔想被人鬧就要預早請下面幾層啲街坊飲下午茶。🙄

 

 

做裝修,我地一向建議客戶「貴做平用」,用多少少錢,做足做好,就免煩!🥰

 

各類裝修都可以搵小妹我問下,歡迎去我page pm 或whatsapp 我傾兩句!

WhatsApp: https://wa.me/85291325271
facebook messenger: https://m.me/decorgirl

 

作者:裝修小妹

裝修小妹
一個女仔,喺呢個男人嘅世界......

閱讀後覺得好,請多多讚好及分享~:)

其他熱門文章

  • 【劏房生活實錄】連打飛機/捽碟都怕被鄰居聽到. . . . . . by 一百八十呎
    上次講過我同隔嚟屋只係一板之隔,夜晚瞓覺連人哋呼吸聲都會聽到。人哋屋企又有小朋友,可想而知,捽碟的話我一定要帶耳機。試過唔記得戴,一開就大大聲「澳門首家線上賭場上線啦」,嚇到我心都離一離,人哋唔知以為我沉迷毒海都唔好啦。…
  • 【LEGO快訊】LEGO迷你兵團正式登場 by 阿九
    講左好耐嘅 LEGO 迷你兵團終於都喺紐約玩具展前席正式登場!暫時公佈嘅產品總共有 5 款咁多,而當中以 75 […]…
  • 【引爆中國】(一):中國只係統一過81年? by 薰華
    「支爆」呢個term,筆者都聽咗好幾年,然而每次話支爆,結果都好似不了了之咁,直至今年武漢肺炎大爆發,有朋友就開始盤點下現時中共所面對嘅所有問題,發現係歷朝歷代滅亡前夕嘅事件嘅大集合。既然係咁,筆者亦都想講下到底歷代嘅統一同分裂,背後究竟係…
  • 【口罩知識】99% PFE 就等同 N95 口罩? by Tango Chan
    PFE(Particle Filtration Efficiency)則是顆粒過濾效率,以 3M 為例,他們會利用 0.1 μm 的微粒及 28 lpm 流速來測試外科手術口罩的過濾性能。而普遍來說,這項測試容許使用 0.1 – 5.0 μ…
  • 【引爆中國】(二):中國沒有不分裂的本錢 by 薰華
    上次講到葛劍雄《統一與分裂》提出,中共政治政確下嘅標準計,中國歷史上只係統一過81年,而依照傳統中國所講嘅統一嚟計,其實中國亦都只係統一過950年。咁即係話,無論你中意由夏后帝啟開始計、由成湯開始計、由周召共和開始計、由秦始皇開始計,定係由…
  • 宮崎駿《龍貓》其實是一個死去女童探望病重媽媽的故事? by 陳文西
    次子失蹤了。大家四處找她。後來村民在池塘撈到女童的鞋子,草子說這不是次子的鞋。可是都市傳說指,這真是次子的鞋,次子已經浸死了。只是草紙不敢面對現實,所以矢口否認。…
歡迎讚好我們的facebook page,免費資訊源源送上。

文章資訊

ID: 203597
Date: 2020-02-07 23:38:56
Generated at: 2020-02-23 11:55:25
Permalink: https://www.vjmedia.com.hk/articles/2020/02/07/203597/【裝修個案】元朗唐樓港鐵站10分鐘,五百呎劏四間