醫護罷工失敗唔係主動放棄封關訴求,而係…

政治 / 最新文章綜覽

【最新消息】醫管局員工陣線決定暫時擱置罷工 爭取全面封關的「醫管局員工陣線」連續五日發起罷工,會員經投票,初步約3000人支持繼續罷工,約3600人支持復工。工會決定暫時擱置罷工。 (葉燿坤攝)#香港電台#醫管局員工陣線

香港電台視像新聞 RTHK VNEWS 發佈於 2020年2月7日星期五

 

首先,我係絕對支持前線醫護嘅任何決定,喺共同政治理念下,有人走去罷工,有人毅然走入dirty team執勤,佢地點做我絕對尊重。今日係罷工嘅第五日,雖然罷工人數依然係多,但仍然未能令到政府讓步。即使有大量市民既支持但依然未能動搖當局。就算當局階段性局部封閉,但隨著本地感染個案嘅出現,顯示病毒已經開始係社區出現。罷工既訴求亦由全面封關輾轉變為要求有足夠物資…再加上罷工活動係疫情散播同搶購物資既消息而被社會消化。由此睇到罷工行動再唔冇關鍵性既轉變下,罷工行動基本上已經失敗。

罷工嘅目標在於要係短時間內對社會造成癱瘓而令到當權者讓步。為何要短時間係因為要令到當權者既應變能力唔足以應對癱瘓而要令當權者答應訴求,當社會消化或者習慣罷工既影響,換言之罷工既人已經冇籌碼迫洗當權者讓步。

 

 

我哋睇返醫護嘅訴求,尋日個新聞就咁寫「工會訴求唔包括全面封關」。咁其實罷工就已經注定失敗。第一,冇左連結市民最大既共同目標。睇新聞都知大家都要求緊全面封關,所以醫護罷工有咁強大既民意支持。此其一,而根據一,中斷同廣大市民既聯結就係將罷工醫護列入被孤立被分化,下一步就自然被清算。因為罷工在於有更大民意支持,同時其他服務行業係處於暴露當中,因為唔全面封關,就算係渣巴士既、餐廳樓面既、做銀行、酒店既都好,你都同樣面對暴露既風險,而按理有共同目標係應該串連大三罷既,當然醫護人員可能礙於職業道德而唔敢貿然叫他人罷工,我哋唔好怪前線,呢個責任係在於負責聯繫各大行業工會既工會(即大台)當中。

 

我地再睇睇香港啲大型工會點樣看待醫護罷工,親中一派既工聯會甚至連防疫都甚少曝光,只係派若干議員係地區派口罩,理事長吳秋北用另一個身份送一大批口罩上湖北。但就關於醫護罷工係完全靜哂唔出聲。而另一邊既職工盟,佢旗下聲稱好多個服務行業既屬會,空中服務員既工會係早排反送中仲好出名添。但佢地都係冇呼籲或者聯繫其他工會發動罷工罷市去支援醫護人員。佢個專頁亦只係做一啲一般傳媒能夠勝任既傳播工作。就算佢有post係講有運輸行業有工業行動既意向,但行動速度慢得好多好多。當醫護人員既訴求變成係局內要求物資既時候,呢場工業行動講唔上係嬴,反而係一大班香港前線醫護人員集體轉行既警號,而呢幾千人既工作缺口,又會為乜野人鋪路?

反正呢個行業一直都係一啲人想攻佔既版塊之一。至於大台點解會係咁有利既形勢會主動放棄?真係動員能力做得慢?不如留返俾你地自己諗。

 

 

作者:武士亭

漢江泄對家

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 203670
Date: 2020-02-07 18:59:51
Generated at: 2020-05-26 14:19:20
Permalink: https://www.vjmedia.com.hk/articles/2020/02/07/203670/醫護罷工失敗唔係主動放棄封關訴求,而係