一罩難求

獨撚朋友喺「正苦」某部門工作，職位就係成日俾客「屌」嘅前線員工，食物鏈嘅最底層。

話說，之前流感高峰期好多同事都開始戴口罩。無病嘅就預防自保，最怕有病又唔戴罩。就算同事之間無病，大部份都會選擇戴口罩保護自己。

特別係對住啲無品嘅公眾，「花灑式噴口水」講話或者一開口就「臭過坑渠」嘅人士，所以對於口罩有一定需求。最重要當然唔少得，係附近放TG嘅popo ，退而求其次唯有戴普通口罩「頂住」。

但係現實唔係你話要幾多（口罩）就俾幾多，例牌會俾少啲。

唔計整體需要數目， 幾條 team 一個月要求幾盒，真心唔過份兼「慳住使」。

係緊拙嘅環境搵到盒過期嘅口罩，幾個同事圍埋一齊討論仲用唔用，發覺有污染又怕「就咁掉」清潔姐姐會執去用。

又要顧慮又要處理，「有同無」都好麻煩。

一盒口罩保質期係5年。問題係依家用緊嘅存貨係15/16年嘅所生產批次。換句話講，即係戴緊3年前嘅貨。好想知邊個部門「有幸」拎到最近批次？究竟之後所生產嘅批次去咗邊？有好多人質疑存貨去向；要釋除疑慮係咪應該公開「盤數」？點解有啲部門嘅存貨，多到可以俾啲「福乖」拎去發「災難財」？

特首式笑話；話戴咗都要除返落嚟，未必真。但，某啲復工嘅部門就限量配給。連醫護都無，何況公僕體系嘅食物鏈最底層？

先瘋搶口罩、清毒殺菌用品，再搶糧油、廁紙、男女用品……望住空空如也嘅貨架，充份感受到市民恐慌式自救、反映對「正苦」極度失望、不信任。相對台灣，沒有比較就沒有傷害。

最後，只可以講「來生不做__ __ 人」。

作者：六月的物管

真係做左六個月物業管理

閱讀後覺得好，請多多讚好及分享～：）