唔覺意將「消毒酒精」飲左入口咁點算？

酒精消毒，源自酒精嘅破壞蛋白質能力。

細菌同其他生物一樣，都係主要由蛋白質；破壞蛋白質就可以殺死細菌。

而研究發現，70%濃度的酒精，殺菌能力最佳；濃度不是越高越殺菌，因為酒精濃度太高，會令細菌表面硬化陷入自保狀態，反而保護了細菌免一死。但一般酒精消毒濕紙巾可能標示75%，因為預計了必然出現的酒精揮發，稍微比70% 高亦無所謂。

入正題。

酒精前酒精後，究竟消毒酒精飲唔飲得？飲左會點？

首先要分清楚，呢個世界有唔同嘅「酒精」。

究竟喺化學上係一大類嘅化學物質，喺呢個類別嘅化學物質好多，其中飲得嘅酒入面搵到嘅，叫「乙醇」：醇呢一大類嘅名，前面的甲乙丙丁，可以當成係顯示呢種醇嘅大細。乙醇係飲得嘅，同時70%濃度的亦可以用來消毒，而雙飛人藥水，其實一整支就是70%乙醇。

咁有無酒精唔飲得呢？「甲醇」就唔飲得，係有毒嘅，亦因為呢個毒性，唔會用來做消毒酒精。但點解要提一提呢？因為以前仲有一啲叫「假酒」嘅東西，係無良商人將較乙醇便宜嘅甲醇加入去本來飲得嘅酒入面，來牟取暴利。甲醇，係飲落似乙醇，同時有毒，所以無論幾平，殺菌幾有效，都唔會用來做消毒酒精，被誤飲就洗胃都唔掂。

真係好有求知慾嘅人，唔介意冒險，可以拿急救箱嘅消毒火酒，用支牙籤點少少來試味，好難飲的。放心啦，死唔去的，消毒火酒，係丙醇，丙醇毒性唔強，同時好苦好難飲，一般人類就算誤飲，都會即刻吐出來，要飲丙醇飲到死，應該難過飲拔蘭地死。

甲醇：平、好飲、有毒

乙醇：貴、好飲、相對無毒

丙醇：平、難飲、相對無毒

所以成本及安全考慮，就會用丙醇來做消毒酒精。

答返自己題目嘅問題：消毒酒精飲落口，味道完全唔適合飲，你一定會吐返出來，就算吞左，唔洗驚，唔會死嘅，嗰一啖仔唔會整死你，唔洗扣喉嘔出來，個肝臟會幫你分解，如同飲嘅酒精一樣。咁當然，無咩特別唔好拿來飲，呢個叫人蠢無藥醫。

作者：容樂其

我覺得總編輯都有得出文係常識囉！

閱讀後覺得好，請多多讚好及分享～：）