靠朱凱迪議員搞黃色經濟真係搞撚笑

政治 / 最新文章綜覽

 

聖人不死,大盜不止,香港地攪到今時今日咁柒柒柒,除咗港共政權賣港得力之外,#永瀆社渾從業員 亦居功不少。

呢位朱議員嘅邏輯好歡樂的:

1)天下(相對)太平時,就日日土地正義上身,不義政權乜乜乜。

2)佢口中嘅「不義政權」之係不可靠兼無恥啦,丫,而家一罩難求,佢就建議「增加政權干擾市場口罩價格能力」。

3)港共有冇可能昨日不義,今日會馬上變得大仁大義聰明伶俐呢?佢係民選議員,咁佢啲支持者又點睇呢種一路把口話港共不義,但又支持港共權力up呢?

4)口罩成本價?你阿哥大半世社渾,知唔知乜嘢叫「成本價」?而家全世界對口罩井噴需求,撞正新年前後貨運休假未復哂工,世界各國生產商搶人搶料搶工搶物去生產口罩,應付武漢化武環球危機,人人皆搶之下當然所有成本高漲,製造到批發零售層層加碼先搶到貨,你阿哥竟然希望對一樣近來日日海鮮價兼冇得唔買嘅求生產品,交畀港共官僚去「界定」冇辦法界定到嘅「成本價」,講得出咁荒謬說話嘅人,一係就一直都係活喺現實之外,一係就從未落街買過口罩,完全係晉惠帝口罩版。

5)就當阿奠小姐竟然聽朱議員講啦,將口罩變成共港計劃經濟第一樣商品,咁點監管?如何執法?而家 whatsapp IG FB Telegram 一大堆民間團購乜購又點「管」?係咪要靠三萬皇軍+海關日撚日十八區1100平方公里全面監控所有口罩買賣,有人賣得貴過「官方成本價5%」就拉人封艇黑警伺候?

畀我係林奠,一定馬上「聆聽民主派同事嘅意見」,馬上 set離地口罩官方價,邊個唔跟就「犯法」,從此任何正常口罩交易全部消失,你想買個口罩都要反跟蹤+地下行動先買到,黑市交易成本因此大幅增加,結果更加多人冇罩用。

當然啦,如果執行呢堆黑暗兵法嘅人嘅初衷,根本唔係「防疫」,而係「繼續增加港人生存成本」,咁越荒謬嘅提議都好合理。

左膠議員呀左膠,你識吞風飲露光合作用生存,正常人唔得㗎,你唔好再阻膠住大家,增加大家嘅求生修羅難度啦。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 203888
Date: 2020-02-18 00:15:01
Generated at: 2021-09-19 00:21:57
Permalink: https://www.vjmedia.com.hk/articles/2020/02/18/203888/靠朱凱迪議員搞黃色經濟真係搞撚笑