對於平日行慣山嘅人來講，其實你哋班「忽然山友」，真係好撚乞人憎。
我唔理你係廢老定後生，黃絲定藍屍，如果你哋只不過為「對抗疫情」而去行山，咁不如算鳩數啦。呢幾個星期，只要係週末上山，只會見到一個又一個由呢班忽然山友做成嘅災難。
就當我求下你哋呢班隨波逐流嘅撚樣啦，唔識行山，真係唔好去行，落返市區去睇戲、食飯，又或者返屋企扑野好過。唔信？睇下你哋班撚人做左啲咩。
1. 口罩亂飛
-> 亂拋垃圾已經唔啱，更何況係帶有細菌、病毒嘅口罩？你會唔會係你屋企就咁丟個口罩係地下？唔會丫嘛。你係山咁做，純粹係你自私、缺德囉，仆街！
2. 亂拋垃圾
-> 行山會肚餓、口渴，好正常；山路少或無垃圾筒，都正常。（你諗下如果你係清潔姨姨、伯伯，如果要係山嘅頂部，抽住裝滿垃圾嘅垃圾袋落山，會係幾辛苦嘅事？）
所以，行山嘅其中一個品德，係「自己嘅野，自己帶走」，唔留任何野係山上面。你自己出發前帶多個膠袋，用來入住垃圾，有幾咁困難？
3. 除低口罩大大聲講嘢
-> 行山係帶氧運動嘅一種，所以除低口罩，我理解，亦都應該咁做（除非你真係龜速hea行，否則戴咗口罩行山，的確係辛苦，甚至會因為缺氧而頭暈，可以有生命危險架）。
問題係，抗疫時期，點解你平日出街要戴口罩？就係唔想自己又或對方嘅口水，噴到對方，增加感染別人或受感染嘅機會嘛！偏偏你哋班撚樣，除左口罩，仲要大大聲談天說地，迎面有人都繼續張大個嘴講嘢。
唔係唔俾你講野，但迎面有人，咪暫停講野囉。當然啦，行山最好用心欣賞下風景，有咩留返拜山先講，ok？
4. 行山食煙係咩玩法？
-> 幾星期前，針山燒咗；今日，到馬鞍山。我唔知係咪因為有人師承張潤衡而搞成咁啦，但至少我的確見過有唔少人喺郊野公園範圍煲煙。
你來行山，都係想吸下相對清新嘅空氣。但你又要煲煙，仲要搞到附近嘅人食你二手煙，DNLM。
煙剷你哋落返市區煲煙啦，我唔想搞大件事……
5. 行得慢唔好阻撚住人
-> 山徑呢，通常係窄嘅，好多時候都只係夠兩個人並排咁行，有唔少樓梯更加只夠一個人行。所以唔該醒水少少，如果你行得慢，請留意一下後面有無阻住人。後面有快腳嘅，就讓開俾人過先，我哋會好感謝你。
個山唔係只俾你哋呢班忽然山友玩哂嘅，仲有唔少操山、跑山嘅人係追時間，想喺目標時間內完成。唔該唔好阻住地球轉。
6. 去返後山行啦
-> 想做運動打下卡，又堅持要揀行山嘅，建議去返自己屋企個後山去行。香港咁多山（小學常識都有教啦，香港山多平地少嘛，right？），梗有一個喺你附近。
如果個個都揸車去，條山路又咁窄，又唔夠車位泊，只會塞死，浪費大家時間，值得咩？（更唔好講咩空氣污染了）
坐公共交通工具？而家逢星期六、日，堆去郊區嘅巴士線，隨時多人過你平日返工嘅路線丫。抗疫不成，反而更易染病，值得咩？
7. 其實好多運動可以做
-> 講咁耐，都係想講，你哋班港燦唔好隨波逐流——人行山，你又去行山，然後post 上FB、IG當自己做咗運動好健康。想健康嘅，係屋企都有大把運動可以做，自己上網搜尋下就知。山界就留返俾識得愛護、珍惜而又守規矩嘅人去玩，唔好搞串個party，好嗎？
【BNT-020】為保住工作的女生注射了疫苗
【遊戲介紹】開放世界生存動作 《V Rising》多人連線與好友重建吸血鬼王國
18年後再次見到中國人，佢露出巨龍打招呼
自己嚇自己事件簿
老師話同性戀唔啱，應該點答返佢？
《彼岸島》絕對是我人生中看的其中一套最令我無言的漫畫。
2020年2月24日
