要連線?首先要問:邊個收線先?

政治 / 最新文章綜覽

 

呢排 Home office,多回家食飯,返到老家,水姐就睇到呢個所謂文宣。

re: connect。

都2020年啦,黃藍絲真係可以connect?點connect先會做到?

佢話 re: connect 。我即刻諗起,就好似你work from home,然後所有email 都 re: re: re: re: re: re: re: re: 咁,re成六七八九層。re: connect 同 re-connect,雖然只係差左一個標點,但意思就完全唔同。re-connect,至少有一邊要有誠意。而re: connect,就係扮connect,即係我表面同你connect,檯底其實我都係唔妥你。

點解要再connect?運動走到今日,有幾個細路係街度叫人唔好遺忘,帶個豬嘴都會畀人拉。拉左之後,男既就會畀人扔落樓,女既就會先姦再畀人扔落海。 係既,如果你唔相信男殺女姦係香港呢個邪惡政權對待香港年輕一代,香港發聲一代既方法,咁又的確係可以connect既。最可惜既係,香港呢一個所謂多元社會,睇《天與地》果陣,佘詩曼話,「和諧,不是一百個人講同一說話;和諧,是一百個人,有一百句不同說話之餘,而又互相尊重。」而家係,當權既,有資源既一代,覺得新一代既要求,多餘又無恥。無錢買樓,係因為佢地中意去日本,中意睇戲。買少個電話,換少對波鞋,去少次旅行,就可以買到樓。買不到樓,就係年輕人犯賤。而家,聽講唔少老人,天不怕地不怕,明知武漢有肺炎都一個月出入樟木頭6次,惹病個老婆仲死埋。有d中年人老年人,入醫院果陣永遠都隱瞞疫情,點知個職員一check 就知佢地返過大陸。由無口罩都唔驚,到而家係咁搶口罩搶唔到就怨天怨地。喂,佢地唔係有樓有車既咩?佢地樓就買到,口罩就買唔到?係咪佢地唔夠努力呀?

香港,本來係一個多元社會,亦都唔需要分藍黃。點解今次抗疫咁難?因為,大家都唔係為左對抗疫情,而係為左證實自己冇錯。過去大半年,咁多人犧牲自己,想令香港有多d 自主性,藍絲唔明,唔理,唔睇,唔聽,只係覺得黃絲青年發窮惡,唔肯努力又犯賤。

咁如果真係要connect,好簡單,有權力既一方,首先要對佢講過年輕人no stake 呢件事,由衷道歉,而唔係講句sorry 囉~ 就當解決「政治公關」炸彈。道歉完,佢要真係當個社會係由唔同人組成既,而唔係我「官」,你要聽我話。你唔聽我話,你就係刁民。

仲有,果d 自以為,自稱 no stake 既黃絲,亦都唔好成日用no stake 既身份去睇個世界。你係個社會,就唔可以,亦都唔應該本pair,耍廢玩厭世,扮晒自己「爛命一條」,到真係攬炒既時候,你就牙痛咁聲話畀人炒畀人迫放無薪假好可憐。

呢d 咁既社會學101,其實唔使讀好多書都識,只不過,有權力既人唔做,就會搞到民不聊生。真係想re-connect既人,唔先搞掂有權力一方伸出橄欖枝,叫冇權力一方先示好嗎?跪又跪過,喊又喊過,和平示威遊行都有做過,咁結果係點?

原來,如果最後答案係,將所有年輕人用武漢肺炎消滅,解決提出問題既人,就唔會有問題啦,係咪?

 

作者:水姐

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 204070
Date: 2020-02-24 15:10:15
Generated at: 2021-12-09 18:07:21
Permalink: https://www.vjmedia.com.hk/articles/2020/02/24/204070/要連線?首先要問:邊個收線先?