屯門市中心區議員的兩難:搞遊行就送頭,唔搞遊行就被人問去左邊?

 

 

1124全民慶祝,唔係區區嘅民智一樣,肯去了解政治嘅唔多,點解要投民主派啲新面口呀?純粹唔鍾意舊嗰個無做嘢囉~所以投俾民主派嘅唔一定係黃㗎。

屯門哩班新上任區議員未上任就多多挑戰,屯門公園嘈雜淫亂非法賣藝問題已經係一大挑戰,「屯門公園會見市民」記招,講解一下行動目的同點樣運作然後巡視一下,都未算正式開始就有人玩捉區議員早走遊戲,喂呀~都未開始,都話佢地會輪流當值咯,咁佢地私下就有個當值表啦,即就算佢有事務無嚟記招都不代表失職啦,咁捉人早走意義係乜呢?然後到聖誕、新年做盡建制派嘅蛇齋餅活動,但公園有咩風吹草動唔使當值嘅都衝去支援,其中有次社區主任扮到聖誕老人咁都要衝去了解情況,就哩個公園嘅問題已經夠忙。

十二月已經知大陸爆緊武漢肺炎,一月極速爆到嚟香港,政府唔肯封關,仲話封關搞到好多物資會缺貨。台灣初步爆發時已經停止口罩輸出,然後就一堆搶購潮、搶口罩、搶消毒用品、搶漂白水、搶米、搶厠紙、搶雞蛋等等。作為區議員百上加斤,公園及交通問題只係初步討論階段但就加多個抗疫問題。係政府玩嘢下連開會地方都無,明明通過口罩撥款,但政府從來無俾過。佢地就要用自己方法去幫助居民解決燃眉之急,搵合理價錢買合規格口罩、漂白水及消毒用品去派或以低價錢出售。但又有居民會鬧哩樣鬧嗰樣,話啲排隊方式唔啱、點解區議員有三萬人工唔捐一萬出嚟幫助居民、點解唔將個賬目公開等等,其實呢區議員職責係資詢及監察政府各部門做嘢嘅,就好似屯門公園佢地叫譚經理做嘢咁,佢地搵到嘢派及低價賣俾區民其實已經貼緊錢,我想問你地會唔會貼錢返工㗎?你都唔會倒貼俾公司點解可以要求區議員咁做呀?區議員係一份工作,只係佢地有多一種使命感所以會去代政府去做哩啲嘢,應該係政府俾錢、俾物資及人手去分發、配給及出售,就係柒婆明知香港有班反對派會忍唔住出手,所以佢可以開住個關睇佢地點搞,政府係無出過手抗疫㗎!點解有啲區議員係主動派上門或搞登記唔使排,真係好睇你嗰區係啲咩人多,如果係老人大媽邨你話點搞呀?唔識登記、收唔到資訊登記咪又搵個區議員嚟鬧囉~區區情況唔同,唔好攞嚟比較呀~咁你話走去怪個落心落力嘅小小區議員做得唔好係唔係痴根?可惜唔係武漢腦炎,班無腦嘅刁民肯定無事!

最近抗疫戰又另一單啦~將仁愛診所徵為指定診所,太近居民的確令人擔憂。一開始就有人話點解唔搞遊行呀?無區議員搞嘅?但佢地問嘅唔係屬於嗰區嘅區議員囉…………大佬呀,人地地區區議員嘅業務唔通搶嚟做呀?而且搞遊行真係有用咩?真係有用點解6月9號唔見有效呀?定想搞個指定日期出嚟想勇武派又出嚟送頭呀?好慶幸今次遊行無人送頭,無勇武理日程表,如果萬一有人有事市民咪又指責係區議員搞遊行令人送頭。黎議員負責嘅市中心根本問題區嚟,屯門嘅問題都集中係市中心即係乜都關佢事咁滯,揀哩區嚟做根本挑戰生命。另外,我本人驚啲廢老同跑步街坊唔戴口罩多囉,係人人都可以係隱形患者情況下,一間指定地點嘅指定診所危險啲?定係會行走嘅隱形患者令人心慌?

各位香港居民,你地明唔明班區議員提出乜、通過乜政府都唔會理,即係做就政府唔理,唔做就俾居民鬧死,就算肯做多啲居民都嫌三嫌四。有無想過佢地仲有三年幾要做,可以話短嘅,但面對嘅如果大多數係刁民佢地就係捱㗎啦,再咁樣落去將佢地志氣磨蝕,三年幾後佢又會唔會繼續做落去呢?如果佢唔再做又會唔會有另一個民主派肯出嚟做呢?我自己睇住佢地做嘅嘢同受嘅氣,我打死都唔會做區議員囉,社區主任都唔會做呀~人工又唔係高,無乜假,有突發事情就要on call,面對疫情又要唔驚死走去前線協助街坊,屎渠都要睇埋,我唔數啦~都唔知點解佢地咁好心去做區議員做乜。

 

 

作者:牛靈

牛靈
屯門開荒牛加盟成員

閱讀後覺得好,請多多讚好及分享~:)

其他熱門文章

  • 【遊戲新聞】最強多人喪屍遊戲 《Left 4 Dead 2》相隔十年推出最後大改版 by 五木
    經典遊戲《Left 4 Dead 2》推出超過十年,話佢係最強多人喪屍遊戲應該都無乜異議(雖然我覺得一代正啲) […]…
  • 攝灶罅 by MT Mabel
    現今女性愈來愈多單身、拍散拖、遲婚、甚至係再婚又再分,問題在哪?先不談外表,皆因樣貌和身材絕對可以用錢解決。抽脂、隆胸、削臉、拉皮、開眼角、下巴增新…揮一揮荷包,一頭半個月就變成馬蹄露咁靚啦,完全不是問題!但有兩種特徵,分別叫「大鼻」和「避…
  • 失戀時,朋友講嘅野,聽下好喇! by 壞孩子
    佢地唔係你,唔知你個心有幾多掙扎,唔知你同個ex嘅經歷同佢俾你嘅感覺,就算你講左,佢地都係當故仔咁聽。而且,朋友為免你傻落去,通常都會叫你放手,話個人唔值得你等或者挽留。但你聽完,就算心知肚明,你鬼做到咁灑脫,如果你得,朋友就唔洗成日睇住你…
  • 中同聚會——一直未解開的心結 by P's虐心者
    那是歇斯底里的遺憾,我常夢到自己能夠回到中學,改變這一個事實,「和班裡的同學打成一片」可惜再也不能,一生人只有一次就讀中學的機會......…
  • 暖男養成記 by 三個水
    暖男好似太陽咁,俾人溫暖,體貼,顧家,更甚者鍾意貓貓狗狗。囡囡抱怨同學hea做project、教授openbook考試難或者補習辛苦,普通毒L淨係識合埋把口,或者同囡囡講道理,「係咁架啦,讀書(做野)係咁辛苦啦」。囡囡即刻收聲。而暖男就會好…
  • 【真人真事】小表妹的胎前記憶 by 表姐
    「你仲記唔記得喺媽咪個肚果陣係點架?」 「唔記得啦」 「再之前呢?未去媽咪個肚之前你喺邊架?」 「喺個天度」…
歡迎讚好我們的facebook page,免費資訊源源送上。

文章資訊

ID: 204115
Date: 2020-02-26 06:40:29
Generated at: 2020-09-24 19:48:19
Permalink: https://www.vjmedia.com.hk/articles/2020/02/26/204115/屯門市中心區議員的兩難:搞遊行就送頭,唔搞遊