肺炎零售寒冬月蝕十萬，匯澄眼鏡周老闆：「因為我唔炒人。」

武漢肺炎引致無人有心情買嘢，零售業一片愁雲慘霧。做開街坊生意，喺荃灣開眼鏡舖嘅周老闆都無例外。

「雖然我地都好早吸引唔同客源，例如利用社交媒體和朋友網絡，但地區零售仍然主要靠街坊客，街坊少左行街，生意真係麻麻。」

舖位租金連人工，都係每個月恆常支出，就算自己唔食，只要一日要守業，都必須月月「找數」。

當被問及「點算？」，周老闆斬釘截鐵話：「因為我唔炒人」「就好似有位女員工，個仔幾歲，點忍心炒得落手？」

肺炎疫情之下人人自危，消費意欲大減，除防疫用品、日用品、home office 所以要買電腦、屋企上堂所以買iPad 俾仔女之外，全線零售都下跌。

如果我地認真看待「黃色經濟圈」呢樣嘢，各行業與消費者之間點樣攜手令友好嘅「良心企業」生存下去，係必須講得出做得到，否則一切「養手足」嘅願望最後都淪為空文。

所以見此文又未配眼鏡，快啲去呢度睇下：

作者：容樂其

我覺得總編輯都有得出文係常識囉！

閱讀後覺得好，請多多讚好及分享～：）