唔好講到你話溝男神就溝到啦好冇?你識溝咩?你知點溝咩?

政治 / 最新文章綜覽

 

你覺得搶攻功能組別冇用,加入左會畀美國冇理由取消,d 人搵十幾萬個月唔會「做左功能組別議員會放棄」云云,都有可能合理既,雖然,……我仲搵到logic 邊度黎。

要美國落實人權法,需要足夠既「新人」,先可以遊說。你再畀泛民入去,咪做返二十年前既對香港人就講「一國兩制已死」、over my deadbody;對外就話「一國兩制運作良好」囉?

有聽我節目/有睇呢個page既人就知,美國遊說,台灣遊說,有一個議員身份係重要既。

因為人地當你「elected officials」。尤其係美國佬,因為你有民意授權,會比起你任何一個特區政府高官得到更多尊重。

所以,我先咁憎點解香港人畀人出賣左咁多年,都係要合埋眼投畀d 出賣佢地既人。

好啦,而家唔好講到「搶攻功能組別」咁容易,咁noble。

即係咁呀,好似講到「我要溝女神」咁,個個都口講話要溝男神女神,你溝到咩?你識溝咩?

我唔講人地個界別啦,反正銀行保險公司你都唔會開到。講返文化界啦。

四年前,周博賢選文化界輸左。大家計過,輸580,要有機會贏,最少要多1000票(你對家都會種票架嘛!)

 

 

咁多個劇團,咁多個出版社,有冇人註冊?知唔知註冊幾貴幾難幾煩?唔知呀?周博賢輸得好慘呀?冇資源呀?幾千蚊都冇,咁點做特區階級呀?難做就唔做啦?咁又係,真係做實事,點都比起網上叫幾句「林奠可恥」簡單既。

哦?搞搞下,而家又選舉啦,又想用議會希望,d 政工作者可以一次又一次又一次又一次出賣選民,都可以有票返入去,做佢個 #十萬零一政工作者。又拎返黎講lu。

尋日係 #903國民教育 講左點做啦?有冇人做。

知唔知要登記做功能組別選民,要做咩?返去聽重溫啦。

光咩復立會jei?

想知道點做,有高人教左我同另一個朋友做,朋友開左兩票,我都有一票,其實。真係有業務既。我地呢d ,認真做野架。真心做出版。

話要「光復立會」之嘛,邊有人當真?

 

Become a Patron!

 

作者:健吾

健吾
專欄作家、記者、編輯……商業電台節目《903國民教育》、《光明頂》主持,香港中文大學日本研究學系講師。著書超過40本。email:[email protected] |Facebook: facebook.com/kengopage |微博:t.sina.com.cn/kengowrites

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 204374
Date: 2020-03-02 18:21:14
Generated at: 2021-05-13 17:49:17
Permalink: https://www.vjmedia.com.hk/articles/2020/03/02/204374/唔好講到你話溝男神就溝到啦好冇?你識溝咩?你