【武漢肺炎】政府帶頭復工,去一轉Sogo 超市,你就會知道社區爆發只係遲早問題

 

 

Sogo 超市,貨品檔次中高等,明顯以中產為目標顧客。

一間咁賺錢嘅超市,你係想像唔到,佢地嘅收銀員而家係喺幾咁唔理想嘅環境下工作。

超市收銀員,每日同咁多顧客面對面交流,其實同保安清潔侍應等前線服務人員一樣,都係非常咁需要防疫裝備。

可惜嘅係,連Sogo 超市咁賺錢嘅企業,收銀員個口罩,都係人人唔同款,即係代表咩嘢?即係代表唔係公司提供,或者公司提供嘅口罩令員工唔放心使用,而用私伙野。

仲有一個好大問題,而家眾所週知,飛沫係會通過眼睛傳染武漢肺炎,然後啲收銀員,一啲有戴眼鏡,一啲無,好明顯公司係無policy 嘅。

 

由林鄭唔封關開始,病毒隨便進入香港,呢個已經返唔到轉頭。香港人嘅衛生習慣,潔癖就大把,真係會令人中招嘅野,就完全慢幾拍先有人理。

大家出街望下,每日幾多呢啲嘢?

有啲人係就係戴住口罩,但係每次佢要打噴嚏或者咳,佢係會拉開個口罩。

三五成群同事定朋友?係會圍埋喺後巷「打邊爐」,拉開晒口罩食煙吹水。仲有當然係一路行一路拉開口罩食煙嘅火車頭。

喺巴士大聲講電話乞人憎?咁喺巴士拉開口罩大聲講電話呢?會唔會想殺死佢?

 

政府就算數啦,香港政府一定係想武漢肺炎喺香港大爆發,但係企業以至個人,面對武漢肺炎嘅防疫意識仍然只係睇落好高。

所謂見微知著,連賺大錢嘅超市都唔注重高風險員工嘅健康,社區大爆發只係時間問題。

但面對呢個大爆發,醫學界都係同意要拖得就拖,為嘅就係等藥物同埋疫苗研發成果,據悉呢啲都係全速進行中。但係一般藥物同埋疫苗嘅研發時間係以年計,就算點樣全速進行,要去到完全證明有效同埋對人體無害之前,都係要啲時間。

拖得就拖,唔好鬆懈。

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 204396
Date: 2020-03-03 04:05:09
Generated at: 2020-08-15 21:08:42
Permalink: https://www.vjmedia.com.hk/articles/2020/03/03/204396/【武漢肺炎】政府帶頭復工,去一轉sogo-超市,你就