【屯門區議會】台灣成功研發15分鐘測試試紙,我問醫管局買唔買,醫管局一概「不回答」。

💥 爸!媽!二條線!! 一句話,不解釋:#快篩 快來了! 1. 檢測時,直接揪出新冠病毒這個小壞壞!2. 檢測時間:4小時縮短為15分鐘。3. 加速量產流程中。 …

中央研究院 Academia Sinica 發佈於 2020年3月9日星期一

 

台灣10日改建整家醫院做負氣壓病房,400張床。香港?一個月

台灣研發肺炎研發快速試紙,15分鐘有結果?香港快速測試?4小時

台灣係應對武漢肺炎病毒 L-Strain同S-Strain 分別測試?香港呢?未有方向⋯⋯

成日提住香港沙士果陣叻過台灣幾多幾多,點解香港而家淪落到連台灣尾燈都追唔到?醫管局,你搞咩?

今日屯門區議會大會,我喺會上質詢醫管局新界西聯網屯門醫院副行政總監莫俊強醫生,問點解香港嘅防疫措施跟唔上台灣嘅速度同細緻度。

首先,武漢病毒已經由原種S-Strain 突變出更具殺傷力L-Strain,死亡率更高。我問有冇辦法測到確診病人係S-Strain 同L-Strain?
莫醫生右邊額頭畀左三條線我。冇回答⋯⋯

之後,我問台灣可以喺10日內改建三重醫院做全負氣壓醫院,點解我地屯門區既屯門醫院要一個月?
莫醫生回答,話機電工程署改裝病房門需要一個月,喺而家嘅情況下叫佢哋做有時間上困難。
吓?即係阿莫醫生呀,我地可以叫d病毒等等先,等你地裝好度門,疫情先喺社區爆發呀?你自己都覺得自己唔make sense啦?

最後,我知道台灣中研院成功研發武漢病毒15分鐘快速測試試紙,快過醫管局而家4個鐘嘅測試。問佢哋會唔買?
醫管局代表,一概不答!

我做晒功課,問醫管局3條簡單問題,你淨係答得我一樣?即係而家去區議會,就可以hea我地?你係第二個區可以,唔好諗住係屯門區得。

係唔係區議會低層次過立法會,所以答問題就可以唔洗準備,行禮如儀?

唔該,醫生都係拎公帑嘅,俾返少少面我地d對你地仲有少少期望既醫護人員,俾多少少掙扎,同心抗疫,可唔可以?

 

 

作者:巫堃泰

巫堃泰
屯門區議會民選議員(2020-2023),香港大學法學(人權法) 碩士,香港機場發展關注網絡發言人。曾參與香港電台節目評論時政,並經營民間網上電視台。熱衷公共政策及管治研究,從過去到現在積極參與公民社會組織及倡議,創造多項時政惡搞產品,期望用創意改變社會。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 204619
Date: 2020-03-10 21:34:32
Generated at: 2020-06-05 16:37:34
Permalink: https://www.vjmedia.com.hk/articles/2020/03/10/204619/【屯門區議會】台灣成功研發15分鐘測試試紙,我問