【大眾執笠】對上一次行書局係幾時?不如再問,對上一次喺書局消費係買咩?

 

 

大眾書局執笠,對好多人來講都係「哦,真慘」之類嘅廉價反應,除非你本身喺嗰度返工。

智能手機興起,徹底改變唔少人嘅資訊吸收模式。以前好多人每日買報紙,每星期買雜誌,不定期買書,都係吸收資訊嘅過程,而智能手機,取代左紙張、印刷商及發行商,將資訊由作者 / 記者傳遞到讀者眼球。

科技帶來生活習慣改變,是一個大勢。

我對上一次行「書局」,是六個鐘之前。不過我不是睇書,而是陪女友買茶葉。書局與茶葉,本來風馬牛不相及,但台灣誠品就將書店結合百貨公司模式,店面一個好大部份都分組予其他零售商,發賣跟閱讀未必有關的產品,例如香薰、護膚品、茶葉、雪糕、甚至聲稱通便的健康食品。

對我來講,沒有閱讀實體報紙雜誌書籍,都是以年做單位,就算經常陪人到書局買茶葉,我見到各種書籍都甚少翻看試閱,唯一令我駐足,就是見到朋友的著作登上暢銷書榜,最多都係「哇,佢本書呀」咁樣反應。

每個人每日都只有24小時,所謂「人人生而平等」的唯一真係平等,利用這24小時做什麼就各自有取捨,但選擇多了,既有事物自然就會面對「市場挑戰」,閱讀就是其中備受挑戰的事。

都唔好提網購書籍,又平又齊,唔會去到書局才知道有無貨,要訂唔該等一個月。

大眾執笠,只係市場機制下的結果,而造就市場環境的,就是大家的生活習慣和消費習慣,我們還有甚麼可以恨?

 

作者:白木乩

白木乩
聽聞係總編分身,專用來出D 與總編身份不符既膠文

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 204882
Date: 2020-03-18 23:48:05
Generated at: 2020-03-31 17:56:19
Permalink: https://www.vjmedia.com.hk/articles/2020/03/18/204882/【大眾執笠】對上一次行書局係幾時?不如再問,