一場武漢肺炎,令香港人知道白人唔係咁高尚

 

 

我呢排係咁講希望白人會導致香港社區爆發,令香港人歧視白人。聽落好似講笑,其實我係有七分認真嘅。因為香港人到依家普遍都係崇洋媚外,你睇下嗰班口講「國際戰線」嘅人就知。大家諗嘅係求人,而唔係合作。呢個係「心」嘅問題。

喺「民族精神」嚟講,香港人真係衰「中華民族」幾班。

但係呢樣嘢同「歧視白人」有咩關係呢?

如果大家玩過下創作就會知道,大家初期創作一樣嘢時,一定會有偶像,亦都受偶像影響好深,好多作品都會下意識咁模仿偶像。而呢樣嘢對創作係唔好嘅。

因為你已經被身陷前人嘅框架,超脫唔出呢副桎梏。要超越前人,就必須放下前人。唯有心中無佛者方可成佛。若果你心入面已經有一尊佛,你又點樣超越佢,立地成佛呢?

「學我者生,像我者死」,大家要向前人學習,但係模仿前人,只會限制自己嘅想像同埋潛力,既成為唔到模仿對像,更加成為唔到自己。最後只會落到兩不像。

而今時今日嘅香港人,雖然放低咗大中華包袱,但係心入面仍然放住「歐美」呢尊大佛,個人仍然企唔直。或者,當大家發現歐美人都唔係咁醒咁有本事,全部都係累人累物嘅時候,大家先可以光復自己,講啲咩「香港民族」,到時就唔使為啲咩擺脫「中国人」身分而苦惱。

最後,我覺得李白有一句詩好有意思,就此借花獻佛「安能摧眉折腰事權貴,使我不得開心顏。」

 

作者:山城小豬伯

總編話佢:「真人係幾靚仔嘅」

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 204879
Date: 2020-03-19 04:06:56
Generated at: 2020-08-04 10:09:12
Permalink: https://www.vjmedia.com.hk/articles/2020/03/19/204879/一場武漢肺炎,令香港人知道白人唔係咁高尚