【樓上漏水】廁所浴室防水工程,我地除左英泥寶,仲會用「二次排水」

 

香港居住密度高,我相信絕大部份讀者都係住大厦,喺香港住大宅嘅已經唔只富貴咁簡單。

一講到「樓上漏水」,唔少人眉頭都會即刻一皺,小妹我之前有個客,幾千萬豪宅又點,住著個樓上漏水,叫樓上整,仲hea 返人轉頭,「錢我就唔俾架喇」,都真係幾無奈。

本公司而家有嶄新服務!即係咁講啦,其實都一定有人做緊。我地都唔介意喺度講晒點做,因為行業進步,大家生活得開心,我地都開心!

師傅俾左個名佢叫「二次排水」。

 

「正常」點做?

平日浴室地台做防水,會用英泥寶,溝英泥泥沙之類,溝下溝下,就會有一堆漿糊咁嘅嘢,第一浸防水,就係未升地台之前,塗勻原本地板嘅位置。

未塗

 

已塗

留意下唔同色

 

理論上,呢一浸防水已經係好實淨,但經得起考驗先係真理,呢一層做好,我地就會「試水」,即係將呢個地台灌滿水,再睇下會唔會漏落下面,咁呢個工序梗係要拜託樓下幫幫手俾我地入去。

正常嘅做法,做完呢層防水,就填高地台,再塗防水層,再鋪瓦鋪磚。

呢種做法,係得嘅。不過當物料隨年月開始老化,最面的防水滲漏,下面地台養住一缸水,最底嗰層防水又頂唔順,咁樓下就會多得你唔少,到時一係做無賴,一係破財。

 

本公司做法:「二次排水」

聽聞大禹治水,唔係用堵塞,係用疏導,師傅話佢會用呢種「二次排水」嘅方法。

講穿左,其實無咩特別商業機密,只要有心機做,個個師傅睇圖就明我地點做,歡迎比較。

我地會喺填地台之前,就鋪定一條去水管,呢條水管由於唔需要好大流量,直徑比較細嘅已經可以。

 

做完一次防水

 

填滿地台,然後做埋第二浸防水

 

 

大家可以見到,我地師傅將呢一層地台,做成一個兜咁,兜嘅底就係之前舖好嘅去水管。

 

 

當發生頭先講嘅物料老化,水開始諗落地台,呢個「二次排水」系統就發揮作用,將水排走,唔會好似其他做法咁,漏水就會養住一缸水喺地台。

咁成本會貴幾多?佢話地台無論點都要升高,特別嘅形狀唔會貴得去邊,鋪多組去水管,又唔係真係多好多工錢料錢,而呢啲野喺裝修行業入面唔係咩秘密,只係肯唔肯做嘅分別。

 

各類裝修都可以搵小妹我問下,歡迎去我page pm 或whatsapp 我傾兩句!

WhatsApp: https://wa.me/85291325271
facebook messenger: https://m.me/decorgirl

 

作者:裝修小妹

裝修小妹
一個女仔,喺呢個男人嘅世界......

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 202632
Date: 2020-03-20 06:15:33
Generated at: 2020-06-04 19:23:05
Permalink: https://www.vjmedia.com.hk/articles/2020/03/20/202632/【樓上漏水】廁所浴室防水工程,我地除左英泥寶