【等價交換】大家搞得咩「黃色經濟圈」,有咩後果就預撚咗。

 

我好信奉 #等價交換
大家搞得咩「黃色經濟圈」,有咩後果就預撚咗。
當施永青呢啲藍絲提醒大家要預咗中伏嘅時候,大家仲笑鳩佢哋。

即係,龍門做大台,啲生意亂咁嚟做,係預撚咗。
黃店越嚟越難做,閪客閪要求越嚟越多,又係預撚咗。

越複雜嘅生意越難做,成本越高,係世間真理。喺未有黃色經濟圈之前,好多小本生意都係一買一賣,幾咁簡單?

當有咗黃色經濟圈,又或者你用生意嚟做政治表態嘅工具,就要預咗生意唔再純粹,PR/Marketing/Branding都會影響你嘅收益,仲要唔係做得好就夠,仲要做突,啲咩捐錢呀、優惠呀、表態呀、慈善呀接踵而至。因為你因為自己嘅表態而賺多咗,需要付出嘅成本自然多咗。一個唔好自己計唔啱條數而執埋笠,喺生意角度嚟講你都係抵撚死。

當然,如果你表咗態,但係根本冇人關注,你冇賺多咗,你自然唔需要付出呢啲成本啦。

所以話 #等價交換。

而作為消費者又要付出啲咩代價呢?就係如果你幫襯開嘅係藍店,你就要冒險去試黃店。食飯又好、剪頭髮又好,都係風險嚟。

同時,因為大家對政治表態嘅要求高於服務、貨物嘅要求,市場自然會慢慢淘汰啲服務好、貨物好,但係政治表態唔啱大家心水嘅商家,又或者啲商家會識得調整自己,將部分心機、支出呢啲成本轉去政治表態方面,嚟維持生意/賺多啲,而服務同貨物水平就下降。

呢啲都係代價嚟。你睇下啲fair trade產品就知。

呢啲代價都係必然嘅事,不論參與者柒定唔柒,醒定唔醒。

但係,越多柒頭自然成本就越多,越多醒人收獲自然就越大。 點樣喺 #等價交換 方面下功夫,大多數香港人就真係唔多識喇。

 

作者:山城小豬伯

總編話佢:「真人係幾靚仔嘅」

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 205119
Date: 2020-03-27 20:43:43
Generated at: 2020-06-06 22:16:24
Permalink: https://www.vjmedia.com.hk/articles/2020/03/27/205119/【等價交換】大家搞得咩「黃色經濟圈」,有咩後