組圖來源：馬丁路德畫像 (1529) + 冠狀病毒模型 (CC-By-SA 4.0)
上集講到，英國文學家魯益師提醒我哋，死唔係最大鑊，
今集我哋有請歐洲宗教改革先驅，馬丁路德 (Martin Luther, 1483-1546)。多數人識馬丁路德都係因為佢促成基督教（
天父上帝、主耶穌基督嘅恩典、平安同大家同在。
我收到你哋寄嚟威登堡畀我嘅信， 睇到你哋想知基督徒遇到瘟疫嘅時候應唔應該逃走。 首先，我知有啲人堅信遇到瘟疫唔應該逃走，因為死喺上帝嘅懲罰，
打就要企定，佢哋認為走佬嗰啲人信心唔夠大。但另一方面， 又有啲人認為人可以喺適當嘅時候著草，尤其是啲冇公職嘅人。 一般嚟講，基督徒當中強嘅人少，弱嘅人多，
所以我哋唔可以對所有人有相同要求。使徒彼得可以喺水面行走， 因為佢信心夠強，但當佢開始質疑，信心轉弱，就開始沉， 仲爭啲浸死。 有牧養職分嘅人，例如傳道人、牧師，喺面對生命威脅嘅時候，
有責任堅守信心。基督畀我哋嘅指令好清晰：「我係好牧人， 好牧人願意為羊捨命。(約翰福音10章11節)」 人病危嘅時候需要屬靈同工用聖道同聖事去堅振、安慰佢嘅心， 幫佢喺信心裡面戰勝死亡。不過，如果一個地方夠多傳道人， 而佢哋之間同意送走部分同工，減低佢哋中招嘅風險， 我唔認為佢哋有罪，因為有需要嘅人仍然有同工牧養， 而走咗嘅同工亦會願意為咗更有需要嘅人留守。 同理，有公職嘅人就責任留守，例如市長、法官噉。
上帝嘅旨意係要設立俗世嘅權威去治理各地各國。 使徒保羅喺羅馬書13章(4節)噉寫：「 因為執政者係上帝使用嘅人」。賣甩成個社群，唔履行管治嘅責任， 令個地方受殺人放火等等各種天災人禍嘅威脅，係好大嘅罪。 魔鬼見到一個地方無王管，有位俾佢入，就最開心。保羅話：「 若有人唔照顧親戚，尤其係自己家中嘅人，佢就係背棄信仰， 比唔信嘅人更壞。(提摩太前書5章8節)」不過， 如果一位官員因為自己軟弱而要出走避難， 但安排咗有能之士留守署任，確保社群繼續運作， 而走咗嘅官員又有效監督代任人，噉就冇問題。 我哋要敬重基督嘅道：「我肚餓，你哋冇俾我食；口渴，
你哋冇俾我飲；我流落異鄉，你哋冇接待我到你哋家中；赤身， 你哋冇俾我着；我有病或坐監，你哋冇照顧我。( 馬太福音25章41節起)」我哋有責任喺危難嘅時候互相照顧， 鄰舍要乜，我哋就幫乜。 至於鄰舍冇急需，社區又夠醫護人員同留守居民照顧病人嘅地方，
如果弱勢嘅居民已經準備好抗疫物資唔使人幫手， 或者病人唔想人幫手，噉啲健康嘅街坊留守又得，撤離亦得。 勇敢強壯嘅街坊可以奉上帝嘅名留守，肯定冇犯罪。 弱雞驚青嘅街坊亦可以奉上帝嘅名撤離， 只要佢嘅社區有足夠醫護照顧病人，唔係擗低街坊由佢哋死就好。 逃避劫難，保住自己條命，係人類自然嘅取向，係上帝賜嘅， 只要唔係用嚟逆上帝意或者傷害街坊就冇問題。 以弗所書5章29節噉講：「冇人憎惡自己嘅身體；總係保養、 照顧佢。」聖經甚至命令我哋盡力拯救生命， 喺唔違反我哋對鄰舍嘅愛同責任嘅前提下， 用我哋嘅勞力去取得日用嘅嘢食、衫褲， 同所有避免災害所需要嘅物資。聖經清晰話俾我哋知， 逃避死亡並唔係罪：亞伯拉罕、以撒、 雅各全部都因為天災或者人禍而走過佬，創世記有講。 另一啲人犯掉轉嘅罪。佢哋心口得個勇，試探上帝，
違反抗疫保命嘅指引。佢哋唔肯食藥，唔肯避開人多嘅地方， 特登去見啲病人，嚟證明自己有幾獨立。佢哋話瘟疫係上帝嘅懲罰， 上帝要保護人嘅話唔使食藥、唔使注意衞生。 呢啲唔係信靠上帝而係試探佢。上帝創造咗藥物，又畀我哋智力， 去守護我哋嘅肉體，俾我哋健康噉生活。 有啲人仲衰：佢哋有病扮冇病四圍走，又去街又去人哋屋企，
傳染細蚊仔同工人，好似傳染完人哋自己就會好番噉。 我相信呢個係魔鬼嘅作為。我聽講有啲人仲會特登去人多嘅地方， 嫌瘟疫擴散得未夠快，走去播毒畀人， 以為呢場瘟疫好似擺隻跳蚤落人哋件衫度整蠱人咁兒戲。 我認為呢啲人應該當謀殺犯處理，應該送去斷頭台而唔係醫院。 染過瘟疫之後好番嘅人亦應該自我隔離，冇必要唔好招呼親友。
病人病嘅時候我哋應該照顧佢， 而佢好番之後亦有責任唔好傳染其他人，唔好唔小心做咗誤殺犯。 總之，你哋要準時食藥，薰蒸殺菌，洗乾淨你屋企、你後花園、
你條街。除非鄰舍急需你照顧，否則就留喺屋企，邊度都唔好去。 記住，疫症大爆發只不過係一場大火， 不過燒嘅唔係木屋而係人體噉解。我哋要做負責任嘅人， 幫手遏制火災。 我會求上帝憐憫、保護我哋。然後我就會薰蒸殺菌、清潔空氣、
開藥俾人、準時食藥。除非我有必要出現，我會避免去街、 避免見人，唔好冒感染其他人嘅風險， 防止有人因為我嘅唔小心而冇咗條命。如果上帝要接我升天， 我要俾佢睇到我做足佢畀我嘅期望， 無論係人哋條命定係我條命都唔係我嘅錯。 不過如果我嘅鄰居需要我，我會義無反顧去照顧佢， 唔會驚任何地方或者任何人。噉先係敬畏上帝：唔會自大、 唔會狗衝、唔會試探上帝。 願救主基督保佑我哋信心純正，愛心熾熱，純潔無瑕直至主嘅日子。
——節錄自馬丁路德寄畀布雷斯勞 (Breslau / Wrocław) 教會牧師約翰希斯博士 (Johann Hess) 嘅信，約1527年
馬丁路德話俾大家知，對抗武漢肺炎係全民共業，
馬丁路德自己就決定留守喺威登堡，繼續寫作、牧養，
下一集我哋會睇同馬丁路德同期嘅瑞士宗教改革領袖慈運理 (Ulrich Zwingli)。喺黑死病席捲蘇黎世嘅時候，
《大神學家會點面對武漢肺炎大流行》系列：
馬丁路德會點面對武漢肺炎？
延伸閱讀：
The Reformed Society (2020-03-15): When Martin Luther was dealing with the black death plague
Roy Askins (2020-03-04): When one can’t flee the plague, Lutheran Church – Missouri Synod
馬丁路德 (約1527年)：致布雷斯勞教會牧師約翰希斯博士信件，
譯註：
聖經引文跟香港聖經公會2006年《新廣東話譯本》，
點解馬丁路德同英女王嘅抗疫公告會互相呼應？因為伊利沙伯女王都
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2020年4月6日
