【數字說話】美國疫情對於侵侵嘅選情，有咩影響？

美國疫情…. 大家可以留意一下美國疾控中心嘅統計，美國好透明，假極有個譜。

尤其要留意，每個州份嘅統計數字。

又係理智到血液結冰嘅分析：我之所以話唔會影響侵侵嘅選情，大家只要將佢當選得票嘅州份比較一下就會明白

感染數字

2016侵侵得票

中招嘅重災區，全部都係民主黨嘅票倉，因此喊殺聲振天，但係侵侵嘅中西區票倉，定過抬油… 吹佢唔脹。

約紐一個州，佔咗九萬幾宗，擺明係震央。但係只係一水之隔嘅新澤西，得二萬幾宗…. 明白未？再隔幾個鐘車程嘅賓夕凡尼亞同康乃迪格，已經只係幾千宗。至於中西部，尤其重要係主要農業州份，都只係得百幾宗！！！

假如侵侵真係同你鬥玩卸膊，大條道理話番你紐約轉頭都得，呢啲爛仔交，你唔會夠佢打。佢直頭可以話係民主黨執政嘅州份連累美國都得呀。

要留意嘅係——而家美國進入戰備狀態，急召全球生產線返美國，其實亦都符合侵侵嘅美國再工業化政綱。要注意最終落腳嘅州份、同埋乜嘢州份最先復工攞頭彩。

喪事當喜事辦，呢啲抗疫牌，你咪以為佢唔識用嚟換選票。同中國一樣，內部問題緊要過外部問題。中國尚且冇選票要煩，侵侵要諗選票。

用常理睇，其實都只係人口密度同流動程度嘅分別而已。不過瘟疫期間，邊有人會同你講常理吖？

作者：蕭少滔

香港中文大學工商管理學院本科生校友會會長、 (前) 香港中文大學學生會辯論學會首席顧問、香港中文大學辯論隊校友會主席、香港中文大學工商管理學院 (國際商業/法律) HEC School of Management Paris, (Financial Engineer, Geopolitics) 恒生商學書院 香港華仁書院

閱讀後覺得好，請多多讚好及分享～：）