咩人最驚俾人公開市價?

 

最近自稱巨龍既 youtuber 質疑政府條宣傳片洗左100萬,開Post 插當中有冇蠱惑 ,就砌左個 Breakdown 出嚟 , 暗指制作公司食水深 。

其實冇咩大不了,點知居然可以引嚟一大堆花生!

事源要由一個自稱公子但就粗口爛舌既 youtuber 帶頭開 Post 插佢唔知價唔好亂up,之後又有自稱行內人衝出黎幫手插,先引起我究竟up咗咩價條友俾人圍插。

唔睇由至可,一睇原來一大堆膠,個個跟本唔知有冇睇清楚個 Breakdown,一味就話100萬唔算貴,又公價,又咩創作藝術咁,意思係外行既,值幾多你識條鐵咩 !

但作為納稅人,都叫人份俾,又好想知究竟條片有冇俾人當水魚撳住搶,公民社會,叫監察下都好, 我就昅下個 Breakdown,最吸引我眼球既,係 8 人 制作隊 ,每人日薪 大約 4000 ,居然俾人插出手低 ?!

嘩!係我搞錯d咩 ?定係我係另一個平衡宇宙?

係我個宇宙, IT人 普遍叫高薪酬;就算係美國, 平均年薪大約 9皮美金,即 70萬港紙一年;當你係世界級 IT 公司 Google 做,平均年薪約有 13萬美金 ,即係 100萬港紙一年;100萬港紙一年係咩慨念?就係一星期返5 days,每day 人工 4000 蚊港紙嘞!

咁呢個世界,又有幾多「上等人」收緊 4000蚊 plus 一day呢 ?嗱,美國就大慨有 13% 打工仔左右;呢d高人工既工種,排醫療團隊先,Software Engineer 隨後,跟住仲有其他,而做 Media 呢? 影都未見。。。

意思就係,唔好以為 Hollywood 啲制作隊,平均可以好揾過係 Google 做既 Engineer!呢個係客觀分析既結果。

依家香港有班「自稱」業內人指,做 Cameraman、收音、打燈、化妝、後期制作,計4000蚊日都叫Cheap?4000×20日,八皮港紙一個月,係香港得 6% 打工仔做到咋喎!

係香港,做 Media 咁好景咩 ?我真係黑人問號 。

如果個行係好揾既,d畢業生會仆住去做,學院會大開課程,業介會呻難揾人,做 Media 既人亦唔難揾Job , 呢個叫邏輯 。係美國 ,IT, 醫療 行業,有齊 以上特質, 先至可以搶高人工!

亦引申,香港有咩 Production House 係俾緊 4000蚊 日請人呢? 我好想知 !等我介紹下比人知,邊間 production house 咁重視人材!!!

另外,條宣傳片值唔值一百萬? 制作公司收幾多先合理?不過首先要搞清楚,制作公司收幾多都好,都唔關打工仔事!因為重點,所以講多次~ 「唔。關。打。工。仔。事」!

制作公司收 1 千萬 好,收 1 憶都好,Cameraman,收音師呀 , 打燈師, 化妝師,後期制作 ,人工係咁,就係咁!了解咗大約基本開支,然後 制作公司收咗咩價做呢條宣傳片,值唔值呢?係咪俾緊 Hollywood 神級制作費做 3 分鐘短片,就係香港人既事了!

成件事其實已經係Auditing既範圍,係 Audit 公堂點洗,同張tender係點批,不過巨龍又冇表達好件事,公子一眾自稱行內人成班小丑咁,玻璃心到衝出嚟對號入坐。

根據巨龍個 Breakdown,一班收「4000日」既 專業從業員,要驚一張所謂 Breakdown 影嚮自已收入?再衝出嚟插?係咪想話俾人聽自己幾冇bargaining power,驚到怕比人拉低?哈, 真心想笑!

定認同巨龍有影嚮力到代表到佢哋呢?都onL99既。

係有bargaining power 既,見人up 少咗,咪暗笑佢收少咗囉,個市係好洗Q驚咩;up 多咗咩,下次我咪又up下囉。

所以咩人最驚俾人公開市價? 唉 ,答案咪就係一班冇 bargaining power 既人囉。

所以冇 bargaining power既基層 ,我係支持要有最低工資保障既;不過呢班人好似爭取緊 4000蚊日 ,比鎂 Google Engineer 同 Hollywood 級既 crew喎 。

講多次,係有bargaining power 既,d人up 咩,又真係影響到咩?都傻傻地既。做 youtuber 就真係唔好亂咁衝出嚟 7,話哂都有班 followers 睇,d人唔去客觀思考既,又可能一齊 7。

最後, 美國一般打工仔薪酬範圍透明度好高 , 按職業 google 一下就有, 冇咩好駁。
香港有咩工種好 pay 過美國? 就算奶共, 我都估俾美國個邊個 pay 高d!係常識。

吖。。。有,都有違反常識既,林奠個 pay 就好過 Trump 了。。。#$%^@# 公帑喎 ,香港人真係關心咩?!關心自已個 pay 有冇俾人亂up多啲。。。我可能真係去咗平衡時空。。。

 

作者:水巷手蜀

唔好問我點解係手蜀,唔係犬蜀 。唔比人講,就越要講 。

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 205446
Date: 2020-04-09 06:18:07
Generated at: 2020-08-15 11:04:30
Permalink: https://www.vjmedia.com.hk/articles/2020/04/09/205446/咩人最驚俾人公開市價?