唔鬥黃?黃絲你唔收手先?

政治 / 最新文章綜覽

 

呢排好多人講,叫人唔好鬥黃。

半年前寫過一篇文,叫《搞死「黃色經濟圈」的,一定是黃絲本人》 自己睇返。

同一群人,一個post 叫人唔好鬥黃,一個post 就話呢個人偽黃,果個扮黃,呢個為搵食呃黃絲錢,叫香港人錢唔好咁易畀人呃,轉個頭就自己籌錢。錢係自己袋呢,就叫「取之有道」,錢到別人袋,就係食「人血饅頭」。

黃衛兵既問題,唔係話邊個黃唔黃有問題。而係同佢地口中既黑警做野一樣:黑警入黃店,用同一把尺,但度1.5米可以度到兩個版本。

黃絲量人,也是如此。

黃絲既邏輯係好微妙既:被佢地視為自己人(如大傳媒endorse,黃絲偶像有合照的政治偽素人),就做咩都可以。篤灰都得,報警都得,有國安朋友又得,去藍店消費又得,去淘寶又得,話自己眾籌搞梁振英搞到梁振英日日課十蚊畀蘋果睇佢有冇廣告又得,收人錢話冇口罩唔出貨block人又得。

你畀「連登認證」你係藍,就食個麥記、經過吉野家、住地鐵,都可以係「投共證據」。

黃絲會畀果幾個大group、大page,大telegram 一齊帶風向,叫大家「食黃店,投泛民」抗爭。今日港澳辦講到明話內委會再「惡意拉布」就有機會DQ,會一直玩。玩到九月選。最後入到去既,都係中共默許既代理人。

呢個就係香港唔要「一國兩制」既象徵,泛民咁多年同外國議員用英文就講「一國兩制運作良好」,「香港仍有法治」。但美國人終於都開拖,google facebook 投資既光纖唔入香港直去台灣,新加坡同台灣會瓜分香港現有角色,就係攬炒既開始。

建制派既banner已出「攬炒無飯開」,咁為左選票,泛民又係咪會同「攬炒」割蓆?所謂淺黃淺藍的香港人,睇住你黃絲咁樣一日一目標咁鬥呢個鬥果個,鬥得不亦樂乎,咁佢地會點行動呢?

仲有幾個月,大家都冇得出街,冇得去旅行,鬱到就黎個個精神病,呢種網軍戰,會一直打落去。

 

Become a Patron!

 

作者:健吾

健吾
專欄作家、記者、編輯……商業電台節目《903國民教育》、《光明頂》主持,香港中文大學日本研究學系講師。著書超過40本。email:[email protected] |Facebook: facebook.com/kengopage |微博:t.sina.com.cn/kengowrites

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 205530
Date: 2020-04-13 21:13:13
Generated at: 2021-05-13 18:00:36
Permalink: https://www.vjmedia.com.hk/articles/2020/04/13/205530/唔鬥黃?黃絲你唔收手先?