抗疫期間，請「補習名師」唔好無牌非法搞直播

頭先訓午睡，發咗個夢，幾得意下，現在分享俾大家聽下，非真實事件，全部純屬虛構。

有所謂「補習名師」租咗嗰「非常唔私人但唔公眾」嘅地方同時向多過8個人教書？

是咁的，話說一個可以俾人租用嘅但係「非常唔私人但亦都唔公眾」嘅地方，有個所謂「補習天王」竟然響嗰度教書，雖然你播片（aka 所謂嘅video班），你大可以話佢哋集體睇戲姐（雖然唔知有冇人信 😂），但係現場本身明顯冇學校牌喎，然後現場又多過8個人同時睇緊片，咁都得？現場嘅學生仲要坐到好密，全部都唔夠半個手臂位。大佬呀，而家疫情咩環境呀，仲要坐咁密，啲學生檯面仲要有野飲㗎喎。仲有，火燭要走火警之類嘅問題全部都顧及唔到㗎喎。出事啲學生真係唔知點算。

全世界嘅老師都online上堂㗎啦，點解你重要叫啲學生出嚟上堂阿？冇病阿？係咪想有個補習學生染病群組阿？

你個樣mk到咁，真係帶埋口罩都認到你喎
你響一間全球排名1000－2000 嘅大學畢業（野唔野雞自己諗），但係竟然教人雞腸？（仲有人補佢先神奇）
咁多年呢你仲可以話教出好多好成績學生？

PS：任何人類教保特跑步，保特都可以跑得好快㗎。
PS：我覺得補佢浪費金錢同時間。

你堂堂一個所謂「補習名師」要咁上堂？仲要無牌授課？仲要戇鳩到租咗個「非常唔私人但亦都唔公眾」嘅地方做呢件事？戇鳩㗎？自己學校入面咁做都話未必有人知吖，但係租其他地方，仲要咁戇鳩？以前上其他老師堂呢，你就響隔離上堂嘅，唔只一個班房同時有你嘅課堂，但係video班嚟，你就博大霧慳埋少少錢唔請「老師」上堂，自己同時間走晒咁多個班房。而家都仍然係咁，唔理法例要求。仲要罔顧學生安全。

同埋呢，你攞到啲唔應該俾你攞到嘅嘢，仲要大大聲公開講，你本身都已經戇鳩啦。

本故事純粹我午睡嘅時侯發夢見到，非真實事件，全部純屬虛構。

專題：【外賣仔日記】

作者：外賣仔

閱讀後覺得好，請多多讚好及分享～：）