【外賣仔日記】外賣行業多左人有興趣,今日我特登拆解一條非常誤導嘅片

 

網上睇到兩條片講述各間嘅外賣公司,而且又講緊啲公司唔同嘅制度之類,但係內容相當含糊加可笑,重要非常之誤導。所以我就不如詳細講下各外賣公司,同埋你應該點選擇你遇到嘅問題,例如應該做咩區呀,揀咩公司等等。

唔識唔好學人講外賣行業,俾人笑就唔好啦。

首先講下你誤導人哋啲乜嘢。

講之前,我想話,睇完你兩條片,用一個步兵嘅角度研究有冇車手嘅5萬蚊收入,把間尺量度單位係係用毅進制?

 

 

事實:我哋係送個客嘅即時早餐,午餐,下午茶,晚餐同埋宵夜。我哋唔係送午餐或者晚餐咁簡單,外賣送遞係為你嘅肚餓提供解決方案嘅行業嚟,即係我哋係協助解決一個人每日都需要問三次,而且都一定要被解決嘅問題嚟,一個每日都要被全港市民合共詢問2340萬次嘅問題,簡單嚟講你無理由唔食飯㗎。咁即係話,全香港780萬嘅人都有機會係我哋外賣速遞行業嘅顧客喎。送貨唔係每日必須,但係食飯係。咁點會無穩定收入呀?

你哋話疫情多咗單,之後質疑未必有。我之前都講全香港每個月只有大約7%到嘅人會嗌外賣(甚至更少),遠遠低過台灣2019年年尾所統計嘅每月23%左右,咁即係仲有720萬嘅人唔嗌外賣架喎。

根據2019年響香港人嘅互聯網接駁率高達92.3%,用手機連接更加高達99.1%,高於台灣嘅88.8%。要增加大量顧客簡直容易啦。台灣有23%嘅人口會嗌外賣,香港分分鐘連7% 都唔到,單量增加都非常合理,而且香港互聯網普及率重要高過台灣,單量爆升?好正常呀。如果假設香港最終有23%人會嗌外賣,即係香港最終估計會有100萬人嗌外賣,甚至更多,遠遠多過而家大膽估計嘅9萬,即係香港嘅外賣單數量將會增加20倍喎。

疫情之後驚無單?但點解啲人唔嗌外賣先?因為人哋唔識你呀,而家唔係識你但唔嗌呀。

連個客點嚟都未知呀,學人講外賣?基本 Demand and Supply 都唔識,走去估計未來單量?

唔識唔好學人講外賣行業,俾人笑就唔好啦。

 

 

事實:今日有新客,聽日就無?後日唔會再升?冇人送,點俾人落單呀?突然大規模升幅點嚟呀?點解咁樣導致要加人手呀?

某啲區嘅繁忙時間都仲要鎖區,先叫做清到單,唔駛請人?定係等個客落咗單先請你嚟返工呀?

 

事實:

想要收入?你無得選擇區域,邊度多錢多單去邊區,話之你住沙頭角,香港島咁遠但係多單你點都要去架啦。

視收入如浮雲?自己揀啦。

 

事實:你屋企如果附近有餐廳,點解啲人唔落街食?咁無餐廳嘅話你都唔會有單啦。

屋企打卡絕對係教壞人。

 

事實:組別高低都有責任要負

 

事實:肯定耐過兩個星期

 

事實:新入職袋鼠嘅人,繁忙時間係已經冇咗最低收入保證

(當你唔知cut 咗,寫咗舊制嘅嘢出去,都係寫錯嘢)

你亦都無需要諉過話你一早拍定,無改到。

(咁你又改到熊貓計分制嘅嗰一項嘅?重要識得補拍?)

 

事實:特別日子無獎金,但係會為咗吸引你返工去保障公司人手有一定數量,而去推出獎金計劃。

甚或者有其他目的都會推出獎金,不過肯定唔會某個特定日子有獎金。

 

 

你仲要神奇到有啲嘢唔知道就話好似,好嘢呀。

基本嘢都唔知,仲學人講外賣行業?

 

誤導 :袋鼠有最低工資保障

事實:自僱人士如何受到勞工法例保障?

 

事實:袋鼠單價係海鮮價,連公司都唔會確實答到你單價點計,但肯定嘅係,得1% 嘅單係最低費用保證,計算方法唔止用距離計,係會加埋時間架,但係有每張單最低費用保證。即係咁,袋鼠好堅持個客落單起計32分鐘內送到俾佢,有啲偏遠地區或者某啲訂單俾外賣員踢得多呢,單價係會升架,目的係吸引個外賣員做咗張單佢。例如將軍澳市中心送日出康城係經常出現過百蚊嘅單價嚟吸引你做咗佢。

 

 

事實:

係有工作過嘅個14 日呀。即係你去用80日嚟環遊世界,只要中間無返過工,數據不受影響架,保留你去環遊世界之前嘅數據。

仲有,返全職時間都係評分準則嚟架,會令系統下個星期自動攞更更加優先俾鐘你

仲有車手係無優先報更呀,係自動攞更會更優先俾你先呀。

都係個句,基本嘢都唔知,仲學人講外賣行業?

 

即係咁,熊貓慳錢用馬來西亞嘅CS,佢地專門集中處理全球大部分查詢,馬來西亞CS邊間公司用都死,唔只關熊貓事啦。

點解香港袋鼠俾客讚?堅持用香港CS囉,人手只係負責香港市場,當然快。

 

事實:首先熊貓單價唔高

第二,$100 一張單,全日得一張。$30 一張單,但係一日有40張,俾你會揀邊個?

單價高有用?你確定?你落街做過單未呀?天價單錢,但係少單,有用嗎?

熊貓幾時有長期穩定客源呀?扣除大減價,熊貓有幾多客呀?正價嗌餐嘅客有幾多個呀?

熊貓最低消費係$40,加埋最低運費係$5,餐廳每單佣金最高20%(有啲係15%)。擺明蝕嘅行為,即係當做推廣啦(除非係推廣或者搶市場佔有率嘅策略,否則無可能長期咁蝕)。

扣埋呢啲優惠/推廣,正價嗌熊貓有好處嗎?袋鼠長期穩定地落單起計32分鐘內送到,正價嗌熊貓做咩?負面就一籮籮,咁熊貓邊有穩定顧客群呀?個客俾錢係食嘢呀,俾錢俾人玩?你當啲客傻嘅?

單價最高有咩用途呀?無穩定單源,點做呀?而家唔係講緊買衫呀。係講緊一個問題,每日都會比人問三次,每年都一定會問1095次㗎,咁你攞到個人成為穩定客源係咪好緊要呀?熊貓無架,單錢點高都唔好做啦。

呢一行有如打機咁,做任務有回報收,不過我哋係收錢囉。即係做咗某啲嘢會有錢收,加埋咁多零散所獲得嘅回報,就係最終收入。即係個樣要做嘅嘢係唔多錢俾到你都好,只要你可以短時間内完成得好多,都ok 架。單錢高低真係緊要?你做過呢行未架?

 

 

事實:距離係計算顧客落響地圖個一點。

將軍澳市中心送日出康城,元朗市中心送錦繡花園,如果pin 正確,呢啲單幾時有大規模嘗試俾過步兵或者車手阿?錦繡花園係熊貓獨家架,無得賴話啲單俾晒袋鼠,咁熊貓有咁多錦繡花園嘅單,有無大規模俾過步兵或者單車手啊?

同埋單車單過一公里,有咩問題?你有車架喎?

 

 

即係咁,你都識得講熊貓兩個星期更新一次單價啦,貼嚟有咩用?兩個禮拜後都改啦。

都係個句,基本嘢都唔知,仲學人講外賣行業?

如果一間有腦嘅公司,長遠一定係穩定大家有合理收入,做得開心,點解?

人力資源同埋經濟學答到你

一間外賣公司如何獲得收入呀?係每一張成功送遞嘅訂單入面攞佣金阿。咁點先會成功送遞阿?有人送囉。至於搵人嚟送外賣,呢個係人力資源管理學嚟。點樣嚟張單,收入如何製造出嚟,就係經濟學。

國際速遞公司UPS 嘅車如非必要,永遠都唔會轉左,因為呢個法則,UPS 響現有資源下送多咗 35萬件包裹,呢個決定,係經過計算出嚟。

袋鼠係用大數據派單俾你架,但你嘅單量竟然跌咗?本身已經做咗好多嘢保障你收入,其實你有冇諗過你做緊嘅區本身已經無咩單呢?請多個人直接搞到你無單,你個區本身都已經有問題,你仲走去做,你唔轉區,你有資格投訴無單?你覺得單錢低,咁你就要增加你做單嘅數量架啦,咁你個區唔夠,你唔肯轉,有得嘈?

即係咁,每個速遞員雖然都只係有手有腳,但響資方角度都唔係真係全部速遞員都一樣價值嘅,從人力資源角度,經驗速遞員嘅效率一定高過一個新入行嘅速遞員(我記得見過有統計話高過,但搵唔返),咁公司點都要留住你嘅,尤其係專門以優質服務穩佔香港市場嘅袋鼠,經驗速遞員點都係有優勢。咁其實佢點解要諗辦法留住你呀?因為你有價值呀。我好似唔太理因為新人搞到你無收入,係因為佢哋本身沒有請你離開的理由之餘,重要留住你先至搞得掂佢公司運作。

Demand 唔好,你唔會想Supply,你會想轉行,所以為咗公司本身嘅收入,長遠點都會要正面。

基本 Demand and Supply 都唔識,學人講經濟市場?

你如果不滿就真係可以唔做,無人揸住支槍迫你做,你嘅然話差,咁即係有比較啦,出面其他行業好啲?出去做其他行業啦。

唔識唔好學人講外賣行業,俾人笑就唔好啦。

 

專題:【外賣仔日記】

 

 

作者:外賣仔

外賣仔

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 205600
Date: 2020-04-16 23:59:07
Generated at: 2022-07-06 08:56:54
Permalink: https://www.vjmedia.com.hk/articles/2020/04/16/205600/【外賣仔日記】外賣行業多左人有興趣,今日我特