大學,對你嚟講喺一個咩嘅地方?

 

又就嚟一年一度公開試,本身仲好期待喺咁惡劣嘅時代下,啲社會賢達會點鳩up去鼓勵公開試考生。可能疫情肆瘧關係冇人有feel,又或者喺本渣畢左業一段時間睇唔到,基本上真喺關心嘅,都可能只有在校嘅高中老師。不管為何,作為一個IVE仔又後門升到U又畢到業又打到份幾好嘅牛工嘅人,想同DSE同學講幾句。

作為引子,當年本渣中五六同朋友討論過一個有趣嘅題目:大學喺因為你有某啲特質而入到,定要你入去學某啲特質出返嚟?當時本渣認為,有啲學生喺面試表現到某啲特質先入到大學,感覺好似喺大學唔收你佢會蝕底咁,而因為學業制度,就算大學畢業後都好似訓練咗好多機械人出嚟咁,個個畢業生都一色一樣;朋友就覺得入大學只喺講公開試機制,而大學的確訓練到一啲未來領袖出嚟,具備一啲特質。

當我地都畢業之後,其實兩個論述都啱嘅。

本渣並唔知道有幾多學生由上年六月開始就溫唔到書,我亦感到欣慰,至少你地知道,你地書本嘅所有知識,都無法教你做人,無法令你對社會冷漠。大學已經不像從前,同你幸福安穩嘅未來掛唔到鉤。作為被放棄嘅一代,究竟大學入嚟仲有咩意義呢?

其實大學除左你major之外,仲有好多野學。本渣喺大學學到最多,就喺點做人:點做一個對自己負責嘅人(發現自己唔夠時間做assignment,排完priority唔交一兩份,最後爛左grade亦無悔無憾),點樣同無理嘅大人fight grading,fight deadline,點樣守住自己僅存嘅利益(叫唔同科嘅同學喺audit時間嚟自己用開間lab擦人流防止被校方收房)… … 其實一啲都唔深奧,而呢啲種種特質,就喺未來「被放棄嘅一代」,我認為最需要有嘅特質,成為一個社會上不一樣嘅存在。大學喺社會嘅縮影,同社會現實喺一撚樣咁黑暗,真正嘅裝備自己喺呢啲先啱。

最後,唔似啲濕鳩賢達,唔會祝你考到理想分數同學科乜乜柒柒,僅祝各位考生考完個試都身體健康,#唔好死。入到大學嘅,希望你學到比知識更重要嘅野後畢業;入唔到嘅,好多jumper as known as Asso HD幫到你。你睇!本渣做完IVE仔咪又一條U grad 好漢。XD

 

作者:偽述家

學生,愛寫文章,偽文青,小試牛刀,尋找共嗚,不定時發稿

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 205732
Date: 2020-04-22 06:47:07
Generated at: 2020-08-13 10:08:58
Permalink: https://www.vjmedia.com.hk/articles/2020/04/22/205732/大學,對你嚟講喺一個咩嘅地方?