黑警日常

 

正常嚟講,黑警一更係8小時45分鐘嘅,啲OT我就唔計住先。佢地一日係點過嘅呢?等「腥些」同大家幻想下喇。

一返到去換件衫,跟住就去槍房拎槍,一路等一路諗住,點樣一槍打死你地班暴徒,真係諗下嘴角都忍唔住笑。拎完曬啲野就係briefing時間,係個briefing room度聽更前訓(糞)示。更前訓示係乜?即係聽啲沙展士沙派更,跟住幫辦會開始落Order,講下有咩罪案走勢個啲,邊啲位置要巡密啲咁。咦,罪案走勢?唔洗講喇,我地咪罪惡根源囉。依家啲市民話我地同黑社會、罪犯係一樣㗎嘛,差在有無牌咁解嘅姐,不要分得那麼細,大家都是黑的。另外你叫我巡密啲?傻㗎咩?咁柒熱會中暑㗎!仲要我揹住30磅係條腰度行?俾你都搵地方匿埋涼喇,反正我又唔洗跑數嘅。

你地班暴徒搞到我成日要OT,係有啲攰嘅,不過唔緊要,我定期有得涼冷氣,又有勁大筆OT錢收,你吹咩?淨係啲OT錢都多過我份糧幾倍,你地班大種乞衣恨唔到㗎喇!日日淨係識圍住警署9叫,你地係出門熱緊個陣,我地係入面涼緊冷氣。呢排有新型冠狀病毒,搞到長期都要戴口罩,都真係唔想係條街度行,你班友咪累到我地添呀。不過依家有限聚令真係爽到爆,可以係咁罰你地錢,玩鳩你地啲乜柒黃店,我係成日入嚟查呀,吹咩?我最大權架!唔搞你地,唔通搞空姐牛肉飯、揚明(湯好飲,戲好睇)同美心?你地唔好咁天真啦!我把尺係鍾意咁度,你地吹得我漲咩?

我係鍾意笑鳩你地班販民暴徒,抵你地咁多年都成功爭取唔到,個啲尊貴議員講乜Overmydeadbody,法治有險可守,你地又真係仆出去送死。人地無咗耳仔聽唔到野姐,好可憐咩?你地個班所謂手足日日都俾我地打、老強、推落樓,個啲又唔見你地理嘅?啲尊貴議員仲要送上門俾我地拉,笑柒死我,果然有案底會令人生更精彩。尊重、良知?換到錢返嚟咩?叫我辭工做返個人?唔好玩喇!你班暴徒自己反省下喇,讀咁多書無用㗎,睇下我,我先係真正人生贏家。

 

(幻想完畢,寫完都覺得自己好人血)

 

 

作者:圓碌碌腥些

圓碌碌腥些
人如其名圓碌碌(其實我真係唔肥),正職是誤人子弟,兼職是廢青暴徒

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 205993
Date: 2020-04-28 06:27:35
Generated at: 2020-08-13 10:48:53
Permalink: https://www.vjmedia.com.hk/articles/2020/04/28/205993/黑警日常