天下無不是之警察

政治 / 最新文章綜覽

 

 

依家係警察咁更加容易推翻一啲舊有道德框架。

「天下無不是之父母」、「孝順」、「尊敬長輩」等等一啲一代代咁傳落嚟嘅老一輩層壓式打壓道理,到底係唔係「虎毒不吃兒」?哩個天下又係唔係真係個個都「無不是之父母」先?「孝順」嘅背後意義又係咩呢?從來中國傳統道德思想都係為上一代著想去打壓下一代,啲所謂道理扯唔上哲學,無好好咁去彈性因應事件去思考。點解無一套理論係叫父母尊重仔女嘅呢?更加無一套理論係叫長輩尊重年輕人聽取佢地意見。頑固唔變通嘅老屎忽(唔一定年老㗎)先會攞上一輩嘅道理去當金句嚟指正人,「我師父教落」、「我老母教」乜乜柒柒等等等等,得啦~知你好聽話啦,只係代表你聽話囉,老一套教落嘅嘢無話完全無道理嘅,但係要消化再去因應事件再作出加減咁運用先係正確。而且你可以分享經驗令年輕人消化當中嘅意義所在,但擺款咁教人,你回想你年輕時都討厭啦~

屯門兩年前有轟動全港虐兒致死嘅案件,五歲嘅臨臨及八歲嘅哥哥一直受到家中嘅長輩虐待,無飽飯食、凍又無足夠嘅被,仲要被父親及後母虐打,五歲臨臨死咗先被揭發。相信哩啲只係社區嘅冰山一角,香港未能夠完全抹去父權主義,有啲家庭因為個老豆係家庭支柱所以就可以擺出父威,佢地係屋企恃住賺嗰啲臭錢就對家人無好好嘅態度,仲乜都管要你百分百跟佢嗰套。當然都有好多阿媽都無譜,自私咁只顧自己玩樂,得閒先抽下時間陪仔女打下咭顯母愛,有啲改嫁咗唔想再失去,明知個男人搞自己個女都只叫個女忍受。要講啲父母嘅不是我可以講好多,認識太多(真係太多)人嘅父母都係好仆街,乜都管唔俾仔女有自由思考及人生方向已經係好仆街。就哩場社運,有幾多細路俾人趕出屋企,之前建生放晒催淚彈,有細路被父母鎖門返唔到入屋,第二日係屋企門外一地都係自己嘢,將來佢父母有事而佢唔去理我唔會話佢不孝囉。

喺香港唔好講年輕人,兒童權益都無被正視過。其實屯門曾經搞過一啲關於兒童權益嘅活動及推廣(因為我有幫手),反應當然無乜,活動完咗就係完,無咗後話。時代係要進化,好多思想框架必須要重整,接受一個無人生經驗嘅小朋友去指正你,俾佢地參與、發表及選擇權,聽取及接納意見,無老屎忽框架,哩個時代需要進化嘅係「大人」。

 

P.S:我好記得屯門嘅區議員係有講過關注「兒童權益」哩樣嘢,亦記得佢地話要搞啲嘢俾青少年去參與社區嘅事,然後呢?我就真係有啲嘢睇唔過眼忍咗好耐,其實你地班打著民主派旗號嘅參政人依家做乜鬼?一開始個個都好有想法、好有智慧,只要你地好好合作係可以好好打破一啲框架,隨時可引領其他社區去參考你地做法及動向。依家呢?唔該你地有咩不滿嘅就約出嚟,鬧過又好、大打出手都好,將啲嘢坦白咁攤出嚟講,而唔係好似依家小學雞咁玩杯葛,你地咁點同個政權鬥?明明大家方向一致,應該不分化、不割蓆,除非你地想轉泛民路線,咁我無嘢講。

 

 

作者:牛靈

牛靈
屯門開荒牛加盟成員

閱讀後覺得好,請多多讚好及分享~:)

其他熱門文章

  • 見工過份自信,其實都幾乞人憎 by 小盛女
    其實我唔係淨係想見仔,但係打咗十幾個電話都無人聽,有啲又放我飛機,得佢同另一個女人肯嚟見,呢個女人大我7、8年,經理級人馬,我係請助理,即係under我,其實我都知佢未必啱做,但見佢人工都唔貴就見吓。我不嬲對嚟見工嘅人都好客氣,首先我比咗張…
  • 我們都是活在Jonestown by 《輔仁媒體》編輯組
    Jonestown的教訓其實跟香港的命運相似得可怕。一群當初相信民主回歸的領袖,帶領香港人及其下一代「回歸祖國」,跟隨「中國人堀起」的路。「回歸」後中國人政經社全方位掠奪港人所有,理想崩潰而留下殘酷現實。這些領袖,有的醒覺了,卻做不了甚麼事…
  • 溝俄妹的技術研究 by 技術官僚主義者
    平心而論,俄妹同香港女仔嘅主要分別,係佢哋平均得分較極端:大部分唔係高過70分,就係低過40分;香港女仔係完全相反。大部分人在40至70分區間,成日見啲女有80分,已經俾窮ABC狗衝。因為中庸之道嘛。好似係。即係高過70分會俾同事/同學鬧死…
  • 跳老舞 by 健吾
    中環的教舞老師,年薪可以比做刁的ibanker 人工連bonus 高。有人在做不正經的勾當是事實,香港人愛看不起做不正經勾當,出賣頸以下的身體賺錢這回事,也是事實。…
  • 望住個EX 攬住新女友嗰種感覺真係呢. . . . . . by 莎拉舒
    成個人即刻頹曬,好想衝番屋企,唔想同任何人應酬,個天就真係好似同自己開緊玩笑咁,之前分手後一直都好想係條街撞番佢,見到有佢身上特徵既男仔都會停低望一望,例如釘黑色耳環既,成個情形就好似電視劇感動畫面,以為大家無見好耐,再次見番會發現原來好掛…
  • 【遊戲短評】勁好玩種米模擬器 《天穗之咲稻姬》落田及戰鬥皆令人欲罷不能 by 五木
    《天穗之咲稻姬》(天穂のサクナヒメ)公佈初期無乜人留意,推出後因為超認真嘅耕種系統意外地喺外國引發熱潮。實際上 […]…
歡迎讚好我們的facebook page,免費資訊源源送上。

文章資訊

ID: 206061
Date: 2020-05-01 21:15:45
Generated at: 2020-11-30 06:23:12
Permalink: https://www.vjmedia.com.hk/articles/2020/05/01/206061/天下無不是之警察