最近大家嘅注意力都集中喺武漢肺炎上，無咩心情留意其他新聞。呢兩個月，小編公司都要求同事輪流放吓假，小編一於都在家抗疫，無咩事盡量唔離開屋企。關於近來大家最關心嘅話題就唔多講，因為已經睇到影響心情，趁機會記錄返小編工作上嘅一啲諗法，第時老咗自己睇返都可以笑吓……
今日想講關於 Reference check 嘅一啲諗法。Reference check 一般會喺個 Candidate 拎咗 Offer 之後做，公司會跟據 Candidate 俾嘅資料，然後向以前嘅僱主查詢所提供資料係咪屬實。不過唔係所有公司都會做，一般某啲特定行業或者有少少規模嘅先會去做。其中最常見嘅做法都係不外乎Send / Fax 張 Form 俾舊僱主等佢填，或者打電話去直接同人哋對家個 HR 口頭上證實一下，再唔係就委託 Agency 去幫你做（Agency 做法大同小異，只係公司外判咗呢樣工作出去俾人做咁解）。
點解要 Reference check？最基本嘅原因係唔想請個人返嚟，之前佢講嗰啲 Experience原來根本不存在，即係無係嗰間公司做過，又或者因為想叫價高啲，所以將自己以前嘅人工寫多啲。另外就係離職原因，想睇下個 Candidate 係唔係俾人炒，同核實一下炒嘅原因係咪啲咩大問題。所以絕大部分嘅 Reference check 都會問呢啲基本資料，包括但不限於入職、離職日期、薪金、職位、離職原因等。好多公司有註明如果 Reference check 嘅資料同你自己所報嘅有出入，公司有權解僱你。聽到呢度覺得好正路？小編大致上都覺得係，不過公司對於收返嚟嘅回答比較難對去斷定真假。小編曾經聽過一個朋友講，話佢 CV 上所寫嘅公司唔係間間都做過。不過就算新公司做 Reference check，佢都唔會有事，因為有啲公司係佢親戚開，一定唔會爆佢出嚟。咁當然呢啲只限於細公司或小職員。
小編一向覺得 Reference check 問基本資料就已經好足夠，之但係又有做過啲公司會問個 Candidate 嘅工作表現，個個睇法唔同，人哋覺得好唔代表你覺得好。仲有，有時表現嘅野好神奇，同上司同事夾到，表現自然好，相反嘅話表現就可能無咁理想。如果人哋係舊公司表現麻麻，嚟到新公司好多野夾到，有機會唔同曬。聽咗舊僱主講嘢，可能先入為主，對新同事唔公平，點解唔俾人有個新開始？人哋都係咁先離開舊公司，況且 Interview 佢合格先會請。
小編仲遇過腦細對 Reference check 有更古怪詭異嘅要求。腦細親自諗咗一連串嘅問題，叫小編 send 去個 Candidate 嘅舊上司要求人哋回答，問題有大約十條，包括：
1) 你之前同 xxx 係工作上係咩關係？日常又有咩合作？
2) 合作咗幾耐？
3) 你覺得 xxx 有咩優點同強項？
4) 你覺得xxx 有咩缺點或需要改善嘅地方？
5) 聘用 xxx 後，公司有否得著？
6) 係壓力下， xxx 如何反應？
7) xxx 如何處理比較棘手嘅問題同人物？
8) 你覺得 xxx 嘅性格如何？
好似叫人作文咁……小編隔咁遠都 Feel 到對方反白眼。人哋俾 Reference，好似搞到嚟見工咁……
講咗咁耐，其實都係一相情願。你想 Check，對方唔一定要答。當然，一般問題都會答下，因為你有時都要幫手做 Reference check，你都唔想下下追問人有無收到封 Reference check 嘅信架。但係有時多野做唔記得咗，或者啲問題根本無可能會答你嘅話都無計，總之就係無話一定要答，就算有回覆都係人情，唔覆你就係道理。見對方無回覆，腦細指示小編打俾對方溫馨提示，一次唔得就打第二次……大佬呀，人哋奉旨要覆你架咩？人哋特登唔想應你都得姐下嘩？
其實如果你人面夠廣，用非正式嘅形式攞吓料，可能仲聽都多啲野。同埋有一點，小編成日都好興講一句，其實僱佣關係，就好似情侶咁，大家磨合下先知適唔適合架嘛，你齋磨唔入又點知夾唔夾。試用期咪就係咁樣用囉，你揀人時人揀你，合則來不合則去架嘛，唔岩咪再搵過囉，勉強無幸福呀！
【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵
《彼岸島》絕對是我人生中看的其中一套最令我無言的漫畫。
何解葉雅媛離婚是A1頭條？
【憂傷的嫖客】「環保吹」
《鋼鍊》「等價交換」根本不是真理
Pokémon朱/紫！發掘古代，超越未來！訓練員進入開放世界！
2020年5月11日
