【真。黃色經濟圈】兼職女友向性病診所申訴：「有人自稱『黃絲手足』要求減價」

（圖文不符）

本宮做左差唔多四十年人，賤人自問都見唔少，但真係估唔到可以賤到咁。

賤，有唔同層次：可以係本身個性格真係好賤；可以係人窮志短做啲嘢出來個格調好賤。

而咁多重地賤，就比較難得。

我個護士姊妹平日好注重同病人打好關係，因為佢好明白一定要同病人良好互動，治療先會有效。

某日阿姊妹pm 同我講，返性病診所當值聽到女女同佢呻，有人上TG group 搵兼職女友，自稱「黃絲手足」，希望嗰位女女可以收平啲。

本宮本身就係一個八婆，梗係問落去啦。

睇到個涉事價錢，我真係「下？」咁叫左出聲。

「個毒撚想攬錫，本來女女話收$700，隻野竟然問，佢係黃絲，一場手足可唔可以平啲，$300 得唔得？」護士姊妹真係嬲到一個點，直接稱呼條友做毒撚。「啲真勇武，一係就被人拉晒，一係就見到泛民啲德性意興闌珊，仲成日浦TG 都係啲冷氣軍師，百無聊賴就睇鹹group，一時興起想食埋一份，然後嫌陀地收得貴！ 」

「性工作其實有成本，定期打針定期驗身係好貴，唔係啲毒撚諗到，張開對腳就賺到錢。」護士姊妹對住唔叫雞亦唔叫鴨嘅我，語重深長咁講。

賤格嘅人好多種，口講話要乜嘢光復香港，又話要搞黃色經濟圈，到頭來連本地女女都要講價？唔好咁賤啦。

作者：容嬤嬤

總編就梗係可以任開分身，開多個扮女人唔得咩？

閱讀後覺得好，請多多讚好及分享～：）