香港西人充斥街頭巷尾,生活習慣有何特別?

小城小事 / 最新文章綜覽

 

 

香港地有多西人,講到文化差異,我喺西人學校多年的經驗,我會歸類:

 

1) 嚐甜如命

西人無論年老中青都係極鍾意食朱古力蛋糕同朱古力,係普通日子,生日,farewell, 一定要食蛋糕,咁香港人夠鍾意食蛋糕啦! 係唔同的,佢哋的蛋糕好甜好膩,仲要自己係屋企整帶番來,個個Master Chef上身,然後佢哋見蛋糕就high, Oh! Who brought this cake?(高8度),最普遍係Brownie,佢哋唔唔食Brownie過唔到日子的!好甜,經過咁多年的其事,我一生食朱古力蛋糕的配額已達9成了,剩下1成只有真係好好味,又或者好肚餓,唔理好醜,最緊要就手先會食,最慘canteen 的menu,為配合佢哋口味,每星期有一日有brownie 的,你又來,比我抖下得唔得?

除brownie以外,好鍾意整五顏六色的蛋糕,黐埋d金銀色一粒粒係面,咩來㗎? 我只想起元素週期表!唔只一次鬼上身放入口,頂唔順,哽唔落,要攞抹手紙嘔番出來。

重有,好鍾意食朱古力,仲要最甜牛奶味嗰隻,又係一見朱古力好high, Oh! Chocolate!(高8度唔該)我只係姨媽到有需要食少少,佢地長時間姨媽到。

 

2) 酒精中毒

西人飲酒好似似茶,飲咖啡咁,隨時就來,巧立明目,只要term end, 生日,farewell 就成箱成箱酒咁訂,等到學生上晒校巴就開酒飲,開香檳唔使用劍的,三兩下手勢啪啪聲已經開晒,為有集體舉杯的氣氛,個個要攞住個杯,我唔飲酒的,次次遞酒比我,我就烚笑,搵機會逃離現場。

太陽未落山,已有人飲醉,有些情況,仲book定校巴,成班上車去酒吧繼續。

 

3) 廢話連編

週末對西人來講係好重要的,我星期五都會TGIF! 我都覺得重要,但佢哋覺得係大事,因為一到星期一,個個就會How is your weekend? 唔係一個,兩個,係好多個都會How is your weekend? 然後週末做過d咩,應該2分鐘可以講晒,再詳細d就5分鐘,佢哋可以將How is your weekend?發展成半個鐘的對話,由於佢哋係你附近How is your weekend? 所以被逼聽到,2分鐘可以講完的,變成30分鐘,可想而知,都是一堆破事,悶出個鳥來,最慘係辦公時間,我真係做緊嘢,你哋唔好虐待我,我亦好怕被問How is your weekend? 我毒撚來㗎,冇多姿多彩的週末同你分享。

這種情況係長假後特別嚴重,一年有五個長假:Half Term, 聖誕,農曆新年,復活節,暑假,每次長假完,成班久別重逢,一日不見,如隔三秋,好high, Hello you!(再高8度唔該),然後係呢段期間做過d咩要講一次,見到另一個,再講一次,我都係好怕佢哋問我,學校長假唔係個個放假,要返工的,你哋放假我要返工,仲問我放假做咩,唔好玩啦! 再者到我真係放假,again, 毒撚的生活好平淡,係唔會有嘢同你分享。

如果人同人之間靠溝通維繫感情,我唔認為可以apply 係呢d情況,因為佢哋大部份係金魚記憶,你講完下次佢好似完全冇聽過,你認真就輸了,這不是溝通,純粹係消磨時間,做點口部運動,冇真誠的交流,所以我覺得佢哋的時間唔值錢,佢哋每日花大量時間係垃圾對話浪費生命,我唔想陪葬。

 

西人一般有優越感,你尊重我時我都尊重你,但擺出白人至上形態,我心裡只有鄙視,所以崇洋的人真弱智。

 

作者:Maru

Maru
鍾意搞爛gag 同派膠

閱讀後覺得好,請多多讚好及分享~:)

其他熱門文章

  • Client 問我點解自己係「仆街磁石」(上) by Professor Chan
    佢自從中學由女校畢業之後就無試過單身⋯⋯連一個月都無。每次同一個男仔分手,佢好快就會同另一個人一齊,佢話佢已經唔記得單身係咩感覺。…
  • Client 問我點解自己係「仆街磁石」(下) by Professor Chan
    依家,你重新行一次,你由出世到依家呢廿五年嘅經歷。好似一段Video咁,由過去,由開始播放,播放到依家呢一刻⋯⋯你可以由得唔同嘅片段喺你個腦入面播放,唔需要去控制佢,一路播一路同我講你見到咩。」我講。…
  • 【國安法自保】除左刪fb post 之外,你應該做乜嘢? by 白木乩
    對於「唔怕」嘅人,已經唔需要睇落去,就義係高尚嘅,歷史會記得你,雖然好多人唔記得左歷史係由勝利者書寫。…
  • 香港人就係純樸到連日本人都可以喺度橫行霸道 by 白木乩
    就算係日本老母來到香港,無左其他日本人嘅目光,無左其他日本人文化監察,無左其他日本人鬧佢「打咩」、「巴加丫囉」、「渣媽」,出名桎梏出名壓抑嘅大和民族,都係會個性解放,係「個性」解放。…
  • 傷J人 by BEAR 兒
    低胸女徑自朝吧枱走去,被緊身裙包裹着的身體玲瓏有致。她走到男人旁邊,向酒保說了幾句,就在吧枱俯身等着,屁股翹得高高的。有容笑了笑搖頭說:「小婊子還挺厲害的。」…
  • 陳偉霆注定是香港人的一道傷口 by 阿享
    陳偉霆現在很紅,紅到他可以和香港完全切割。近年在大陸很紅的人,再怎樣也會偶爾在香港出現。佘詩曼因為《延禧攻略》爆紅,之後成了廠家寵兒,屢屢在香港大小活動出現。同公司的謝霆鋒,容祖兒等,雖然重心在大陸,但也會在香港開show,出歌。就算勢頭同…
歡迎讚好我們的facebook page,免費資訊源源送上。

文章資訊

ID: 206572
Date: 2020-05-17 08:25:56
Generated at: 2020-07-07 18:15:35
Permalink: https://www.vjmedia.com.hk/articles/2020/05/17/206572/香港西人充斥街頭巷尾,生活習慣有何特別?