未能看到的香港未來

政治 / 最新文章綜覽

 

大約由小學四年班開始,我發現上堂睇唔清楚黑板,搭巴士望唔到係幾多號車嚟緊。過咗一段時間同啊媽講返,由佢帶我到眼鏡鋪驗眼先發現我有二百幾度近視。我仲好記得由戴上副眼鏡嗰刻開始,除咗有啱啱戴眼鏡睇嘢暈暈地嘅感覺,仲有眼前所有事物都變得好清楚嘅畫面。

戴住眼鏡就可以睇清楚眼前所有嘢,唯獨香港嘅未來,我望唔透。

有手足因為暴動坐四年,但最初嘅五大訴求唔係就包括撤回暴動架咩?點解成日識講五大訴求缺一不可嘅政黨冇出嚟為依位手足奮戰?反而喺立法會比人拉低嘅慢必就即刻籌廿幾萬去告人?定係依五大訴求就同屌你老母一樣,只係一句口號,已經冇人諗住實行?

最近再次有人喺商場行街,但最後做到咩結果出嚟?我都唔想噉講,但如果出嚟行係唔會對黑警,對政府造成傷害,反而會落得更多同路人被拉,甚至被殺。依個活動嘅意義係咩?要成功係要有犧牲,但如果為行個商場而死,值得咩?

監警會垃圾報告、港鐵甩骨閉路、考試題目唔政治正確被照肺、港台生存空間愈嚟愈少。打壓從未停止,每日變本加厲,港共同黑警嘅目的顯然易見。但一大班同路人由槍口對外變成鬥黃,怪你冇幫襯哂所有黃店,怪你唔捐100%生意額出嚟。請問依個係咩鬥爭?我食碗拉麵可以換嚟一個黑警死無全屍?捐夠一萬林鄭就短一年命?我撐黃色經濟圈依個Concept,但依個唔係抗爭唯一要注意嘅事。我地要Make sure同路人可以有生活到落去嘅經濟,同時都要確保我地有未來。如果你黃色經濟圈搞得好好睇睇,結果輸咗個香港,你會唔會話自己贏咗,大勝緊五比零?

我睇唔清唔係因為香港而家好黑暗,而係所謂嘅黃絲愈嚟愈唔清楚自己最初嘅目標。你要推翻暴政係定改變立會?你要黑警死全家係靠你努力實現定每日一願望?你行出街係想對抗定鳩行?就算你願意付出性命,你想力戰至死定乖乖比人拉去差館打死再扔落街扮自殺?

如果你都唔知自己想點,你仲點解會自稱黃絲?我諗唔明,更加睇唔透。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

  • 【遊戲新聞】傳會以現代美國作為舞台《GTA 6》活用網路與智能手機橫行邁阿密 by 神婆
      一直只聞腳步聲嘅《GTA 6》似乎終於有新消息透露。 根據著名遊戲洩密者 Tom Henders […]…
  • 姜頭 by 藍兼併
    每個年代,都有屬於這個年代的流行髮型。五、六十年代的飛機頭或蛋撻頭,七十年代的椰殼頭,八十年代的鴨尾頭,張國榮的魔力令髮膠賣至斷市。到了九十年代是最爆炸的年代,因為那時候的中間分界,被人說是心理變態,由郭富城帶起的風潮,那年代的男生(包括我…
  • 如何成為護士?(包括登記護士與註冊護士) by Su子
    呢篇野係寫俾考完DSE,有志投身護理界既所有同學。…
  • 420? Green Day? 到底係啲乜嘢嚟? by 健華
    喺每年都有嘅4月20號,可能唔知發生乜事嘅人會覺得係平平無奇嘅一日,又可能有人會覺得呢日係希特拉嘅生日(佢今年終於Cut到有線好似係)云云,但喺大家身邊,乃至社交平台之中都總會有人高呼4月20號係Green_day、Happy 420之類嘅…
  • 做PTGF,做到同事幫襯你 by FAKE 文青
    那天我穿了低胸白色的連身裙,站在 1131 號房前,我同自己講:「加油,做一晚仲好搵過我OT一個月,我OT一個月係無OT paid架。」…
  • 結界列傳——西貢結界的形成 by 沙夶
    點解當年英軍要同新界原居民打過先而唔係由西貢進入?相傳就係因為結界。相傳日軍係修建西貢公路時有兩大隊人員失蹤,最後都無法尋回,多數都係走左入無形結界而出唔番黎。由不同學說分析一下西貢點解會容易生成結界…
歡迎讚好我們的facebook page,免費資訊源源送上。

文章資訊

ID: 206644
Date: 2020-05-19 06:12:02
Generated at: 2021-04-21 16:24:14
Permalink: https://www.vjmedia.com.hk/articles/2020/05/19/206644/未能看到的香港未來