民主黨知唔知道，打人最大力就係雨革之後加入警隊？

加入警隊，改變警隊，講就好聽，但其實呢，係被人改變？

雨傘革命，佔領左金鐘旺角，都浩浩蕩蕩都幾個月，嗰陣做大學生嘅，好多都去過佔領現場。大學畢業，有咩好做？梗係最緊要搵工，警察就日日都招募，薪高糧準，好吸引。

咁雨革嗰陣有無警暴？好明顯啦。咁去過佔領都多少有啲理想熱情，但理想熱情都搵唔到食架？咁考警察都無可厚非丫？但又要作個好聽啲嘅藉口，所以就有

加入警隊，改變警隊

加入警隊，改變警隊

加入警隊，改變警隊

加入警隊，改變警隊

加入警隊，改變警隊

轉眼間幾年了，雨革之後入學堂，散仔rank 可能都做到有柴，阿sir rank 應該都有兩三粒花，係呀，就係呢一年喺條街打人最大力嗰班。

民主黨梗係要吹下呢類風啦，學尹兆堅話齋，今日有票投，係因為民主黨入過中聯辦。

加入建制，改變建制？

加入建制，改變建制？

加入建制，改變建制？

最後改變到邊個？八九民運之前都話乘住改革開放風潮，講咩都得。

而家呢？都係寕左勿右。

泛民主派，連國歌法佢地都唔敢投反對票，係咪驚被人秋後算賬？

至於國安法，佢地而家只係想「爭取本地立法」，而唔係反對國安法。

當然，泛民要掌控話語權，講就一定最強硬，又咩黑暗又香港沈淪，然後做出來就係開城門俾國安法入。

同加入警隊嘅黃絲一樣，到最後打示威最大力就係呢啲。

加入左建制嘅泛民主派，咁多年來都係打壓其他新興政團，打殘左你，就用自己強項，一堆律師梁天琦打官司，其他人想探佢？過左泛民嗰關先啦。

果然同一個套路，原本嘅反對力量，加入建制之後，打壓其他後起反對力量就最大力。

35+的用途，所謂把關，就係幫手通過國安呢類惡法。

作者：白木乩

聽聞係總編分身，專用來出D 與總編身份不符既膠文

閱讀後覺得好，請多多讚好及分享～：）