留學生搞一次畢業展覽,就睇到德國大學校園種族歧視

 

(圖文不符)

 

呢幾排個feed全部都係blm,然後入面有人正正就係以前喺大學嘅時候,成日操控住上堂發言時間但講野又唔係回應緊其他同學嘅發言,落堂又會對其他人好蝦蝦霸霸嘅白人同學,嗰啲同學入面,有人係會有得渣車返學然後話自己係藍領出身架LOL 屌諗起都令我嘔心。

 


 

每年sem2尾都係我地大學開放日,每一班都會搞啲展覽咁啦,通常其他教授都係就咁叫啲學生搞個普通white cube exhibition,個個賣下自己啲作品咁-當然呢個安排就會帶出咗邊個可以有咩位置嘅問題,咁又係一輪輪宮廷劇嘅上演-咁我嗰班教授唔鐘意咁快啲學生就要咁商業啦,所以每年都係叫大家諗個議題出嚟然後擺個展-有年我就同班同學起咗個噴水池,真係唔好問我點解要咁做,我都唔撚明。

一年復一年,有年我就話,其實不如都係show返自己作品啦,屌每年都好似唔知做乜鳩咁,因為每一年我地學校開放日都會有好多藝術界嘅入嚟睇,件事就好似一間領養所咁,你係被就業市場遺棄嘅動物,如果咁啱有gallerist 睇中你,你可以可能未畢業就被領養入行,有運行嘅已經未畢業就可以癡住啲galllery去咗Art Basel賣野,係呀,好商業呀,但係一橫一直,企得返喺度嘅先有資格講野,有得生存先可以講落去呀係咪先。

咁教授就話,希望都仲係有一個theme/空間去連結返大家嘅作品,咁好呀,諗好咗,只係差在執行,但係又無撚人去執行,結果咁啱又撞正我地當時校長話要喺無budget嘅情況下再叫多啲人入嚟讀pgde,咁大家就話要杯葛校長就想閂門唔搞展,又或者係就咁有間吉房叫人入嚟坐。

結果就個個都好buy呢個idea,咁但係其他想真係show下作品嘅同學又點算呢?咁於是我就同班白人同學嘈到仆街(我一個battle十幾個),話其實你知唔知作為一個外國學生已經好輸蝕,你地而家仲因為你地懶唔想搞展,借住個政治風嚟話唔搞,係,我明你地諗咩,但你地真係搞到班真係平時一啲機會去show作品都無嘅同學(而呢啲同學係拉丁/亞裔同學嚟)。

然後有個就快畢業嘅白人同學就話「咁係咁架啦,個個都難架啦」嗰一刻我就爆撚咗,我就話乜撚野係咁架啦,你地就梗係可以風撚涼啦,你地喺度大有哂connection然後你連有啲同學唯一接觸外界嘅路都cut埋(下刪係撚咁屌)。

於是翌年sem1,我上咗學生會,sem2我特登休學專心搞學生會,順手避要搞開放日,結果我教授決定都係比每個人展出作品,仲要係展攝影作品-LOL 雖然無人賣得出野,但係睇下,真係乖孩子係無撚糖食架。

所以,講真嗰句,我對於白人點樣話覺得自己好仆街係抱住一個超級審慎嘅態度-我唔會話完全係仆街,但係當你威脅到佢嘅存在,佢就一定會就嚟咬鳩你-所以嗰次我喺班度比人咬到癡線。

睇下成個創作行業個represenation,全部都係白人,(德國有三分一人口都係有移民背景架),然後可能有時會搵下啲黑人creatives合作下,但係可以咁簡單嘅事都可以屢次搞出事,例如話呢邊Vogue調轉咗兩個黑人model個名,或者係拍戲公然喺casting話覺得呢個喺度大呪唔represent到德國呀,好多啦,可能請你做野都得嘅,但真係比你入局去參與management board?無話唔得,但係佢一定唔會讓你-唔好講話POC啦,作為一個白人女人要入德國公司嘅management board 都已經難過上月球,POC就更加唔洗諗,如果想上到佢地嘅位置,唔好諗住佢會讓你,作為POC一定係要打佢地落嚟,和平示威要求多啲representation係無用架,美國都係要暴動先可以換嚟啲白人差佬比人拉,唔可以再壓頸制服 so yea there you have it

 

作者:Cmw Boni

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 207396
Date: 2020-06-07 21:50:24
Generated at: 2021-10-21 06:55:06
Permalink: https://www.vjmedia.com.hk/articles/2020/06/07/207396/留學生搞一次畢業展覽,就睇到德國大學校園種族