今時今日大家吹捧丶歌頌嘅嘢，曾經都有「走得太前」而被抹黑排擠嘅日子。政治上係咁，文學上係咁，科技丶社會丶思想⋯⋯連食材都逃唔過呢個唔宿命。
大家聽到薯仔呢兩個字，首先會幻想唔同嘅薯仔食品：薯餅丶薯條⋯⋯總之好好食，價廉物美，大家都like。但係其實薯仔十六世紀係南美洲由傳教士同商人帶返歐洲之後，直到二戰依然有歧視薯仔嘅聲音。
先講一下薯仔嘅背景資料，薯仔起源喺南美洲西部。即係今日嘅哥倫比亞、厄瓜多爾、秘魯、玻利維亞大部份地區同智利北部等等，係西班牙人之前都係印加帝國領土。就係咁，係歐洲人到達中南美洲之後，分別發現薯仔丶番薯同粟米。後兩者係歐洲大受歡迎，尤其係番薯。哥倫布發現海地之後僅僅十二個月，番薯就已經進入左西班牙，當時番薯好快就喺歐洲狂熱：因為番薯係嚟自翠綠嘅海島，而薯仔係嚟自山區。後來番薯甚至遠銷東亞，所以令到福建一帶今時今日喜以番薯做主糧。
西班牙人喺發現南美洲之後，視印加帝國為ATM，奴役印地安人，強迫佢哋開採當地金礦。西班牙人先喺鄉間以低價購買薯仔，再以高價賣比採礦嘅印地安奴僕。①②因此喺歐洲一開始就有「呢啲係奴隸先食嘅辣殺」呢個偏見。西班牙當時流傳，既然殖民地呢啲比歐洲人更低級嘅人種以薯仔代替麵包做主糧，咁薯仔肯定係十分粗劣嘅食物（需知道當時社會思想非常封建，有呢啲觀點真係唔出奇）。
至於薯仔喺歐洲被歧視，亦都因為咁有利西班牙人嘅經濟利益。上面提到番薯好快喺歐洲大熱，當時番薯只有西班牙先種得好蓬勃，所以番薯期貨價變得特別高（好似大頭菜咁），約翰霍金斯話番薯係最好食嘅根莖類食材；英國國王亨利八世甚至將番薯視為春藥。可見歐洲人幾鍾意番薯。因為咁，西班牙人為咗保障買番薯賺錢嘅機會，極力踩低薯仔抬高番薯，影響歐洲人對薯仔嘅睇法。
例如大家今日講嘅諺語：懶人會比人叫做Couch Potato，舉止唔優雅嘅人就會比人笑Erdapfelsack（薯仔麻袋），都足以證明當時薯仔被歧視，被認為只有窮鬼會食。
一開始薯仔因為印象獨特，所以廣受貴族歡迎。神聖羅馬帝國嘅皇帝魯道夫二世係觀賞花園種薯仔，安妮女王宴席上出現薯仔，黑森卡塞爾公國威廉四世⋯⋯然而自從大眾了解到薯仔價格低廉而且產量豐富，貴族就冇再喜好食薯仔，連農民都拒絕食薯仔，而選擇食麵包同其他穀物，薯仔就留比牲畜食。最後薯仔一直係勁窮嘅人先會食，好耐之後先變成普羅美食。
以下係歐洲當時對薯仔嘅反對種植同食用原因：
1.因為薯仔比女巫用作動物飼料同做藥酒，因此比人視為邪惡食材。結果大家將所有衰嘢賴落薯仔，打仗呀丶肥呀丶疾病呀⋯⋯等等。
2.因為薯仔係塊莖而唔係用種子種，農民認為咁係「唔正常」，所以唔敢種。
3.因為聖經無提薯仔，所以唔可以作為人類，尤其基督徒嘅食物。蘇格蘭有啲神職人員因此係佈道嘅時候禁止信徒種薯仔。
當時係英國薯仔亦不受歡迎一段時間，英文口語蘋果個名：spud，全稱 Society for the Prevention of an Unwholesome Diet（反不健康食物協會），可見薯仔幾唔受歡迎。
但係各國君主深知，薯仔其實產量豐富，而且有利經濟同社會發展。因此係1651年，普魯士大選帝侯腓特烈威廉（Friedrich Wilhelm, 唔係威廉大帝呀）威脅臣民如果唔肯種薯仔，就割佢哋個鼻同耳仔。1660年，佢老婆係柏林食薯仔之後介紹薯仔食法：紅酒薯仔煮肉，或者煎薯片。
腓特烈大帝（Friedrich dem Großen)嘅時候，地方饑荒，於是佢命令一架車滿咗薯仔嘅車送入去。當地居民因此十分憤怒，表示薯仔狗也不屌，因為味太淡。（不過當時佢哋生食，而罕見嘅薯仔佢哋根本唔識點煮）但腓特烈大帝一於唔理，用法例強迫農民將10%嘅耕地改種薯仔。
而十八世紀到十九世紀薯仔開始比較流行，係工業革命之中作出巨大貢獻。但唔支持薯仔嘅人依然唔少。1791年侖福特伯爵為士兵同窮人研發營養豐富嘅湯，本來呢個湯有薯仔，但因此比人民排斥，結果佢只好偷偷地慢慢咁加薯仔。
不過後來因為經濟原因，薯仔流行歐洲嘅阻力越來越少，甚至係一戰嘅時候，發生過偷薯仔事件：當時嘅報紙就報咗嗰一單頭薯仔嘅新聞③：一個守衛喺街上目睹兩名男士，係庭園偷薯仔，係比守衛發現之後逃去，導致守衛開槍拉人。可見二戰之後薯仔已經好現實咁，因為唔同嘅條件而被流行。
下一篇，會講薯仔點樣喺德國政治上發揮強大力量，如果想知嘅朋友敬請留意。
①1533：The Travels of Pedro de Cieza de Leon, A.D. 1532-50: Contained in the First Part of His Chronicle of Peru, Pedro Cieza de León
②1693：Hans Sloane, in Royal Society
③ 1917年10月30日：維也納勞工報（Arbeiter-Zeitung)
參考書目：
諸神的禮物 Es möge Erdäpfel rengen
ISBN 978-986-5787-24-0
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2020年6月9日
