一年過後，訴求達成未？

「五大訴求，缺一不可」大家叫慣叫熟。一年過後，以五大除咗撤回《逃犯條例》叫做成功（不過換咗條國安法）之外，其他唔好話毫無進展，甚至係愈嚟愈差。

原因？因為政府冇諗過順應民意——依點好多人都知道。但點解同時佢地會覺得泛民係企同一陣線？我真係諗極都唔明。照住個制度嘅框框去反抗係唔Work架，因為個框框係為政權存在嘛，你睇下黑警個女袋三公斤冰毒都冇事啊，前線企出街都係暴動啊。想喺個咁ON9嘅制度下守規則都贏到，一係你係黑警，一係你真係冇腦。

好嘞，我當而家仲撐泛民嘅人真係咁浪漫話拎到35+就贏，就控制到立法會。第一，梁君彥話點就點，開個會佢可以指名邊個做主席而唔洗投票；第二，由立法會保安到秘書都係政府隻狗，唔跟你正常玩法架，政府出聲連雞都會做；第三，你睇吓國歌法投票成班泛民去咗邊？係啊係啊，唔夠票投唔投都輸嘛，但如果你想話比泛民班支持者知你有心ON99跟住制度去玩就坐低投票，如果你要玩打破制度，噉點解唔係叫大家一齊拆咗個立法會？泛民只係想有35+個十萬月薪代代平安，然後喺立法會做個樣就收工，到投票就「哎吖唔得啦贏唔到但我地要No Show表達不滿」。

我屌哂所有泛民，由97到而家你幫過香港人乜嘢？公民黨仲要係打開支那嚟港大溝血條路嘅吳三桂啊。

香港而家好差，但我地唔可以妄想泛民真係會幫我地做到啲乜。美國的確係最有能力幫到我地嘅國家，但同樣我地唔可以大安旨意咩都靠哂美國。由揀得攪炒條路，我地就要夠硬淨，我地單靠自己未必令到中國食唔到我地，但我地可以有咁硬得咁硬，哽到中國吞唔落肚，爭取更多時間比世界認清中國嘅面目，爭取更多時間比美國有時間玩殘中國。我記得連登有人講過一句，意思大概係就算我地只係美國整死中國嘅棋子，我地都要成為最有用，令中國最頭痛嘅一隻棋。

到最後我地係要靠人，但香港人要繼續團結同努力，令到我地有價值比世界用嚟打中國。全靠我地企硬，美國肯取消香港特殊地位、英國肯考慮比BNO多條後路、台灣肯幫香港人同拒絕香港黑警。

前路茫茫，不過世界已經知到一個鐵一般嘅事實：Hong Kong is not 支那。

作者：毛言地

你有多久沒去找自己的理想？搏殺一天，回到家，倒頭就睡。 無言，只因生存太累。談理想？妄想； 毛言仍言，只因理想，本就是「理應去想」 http://www.facebook.com/MaoYanDe

閱讀後覺得好，請多多讚好及分享～：）