九龍有無得「環島」？原來九龍半島填海之前唔係咁大，而且有一大段係「新九龍」，上網查考「九龍填海」加「九龍半島、北京條約」，睇番歷史地圖，比對今日嘅街道走向、山勢地貌，就規劃好一條以前無跑過嘅路線︰「九龍半島１８６０」。其實出發之前嘅準備，只算係大膽假設，好多嘢係要行到去嗰度，印證對比，親身睇到啲無為意到嘅街名、公園、山勢、地貌，行萬里路，其實就真係始於足下。