兩姊妹準備瞓覺，麥皮跟住跳咗上床，坐咗喺床尾。
家姐：「皮皮喺度。」
我：「係呀，皮皮想同你哋瞓。」
呀妹起身，想去抱麥皮。「妹，唔好抱佢，皮皮好老喇，你會整到佢。」
妹：「哦。」
家姐：「我記得你話我細個唔舒服嘅時候，皮皮會急急腳咁走過嚟陪我。」
「係呀。」我回應家姐。「佢好乖，佢係我哋第一隻貓。」
家姐：「皮皮第一，鳳鳳第二，跟住係堅堅，之後係花花。」
「皮皮第一，鳳鳳第二，堅堅第三，跟住係呀花。」呀妹跟住講。
我：「皮皮好乖，佢想同你哋瞓。唔使抱佢，爸爸叫佢就會過嚟。」
「皮皮，皮皮，過嚟吖。」我接住同皮皮講。
皮皮起身，行過嚟我度，伏喺我身邊。
「嘩！點解皮皮會聽你講？！點解你可以同皮皮講嘢嘅？！」家姐問。
咕嚕咕嚕，咕嚕咕嚕，皮皮咕嚕咕嚕咕嚕得好大聲。我：「因為爸爸好錫皮皮，皮皮好錫爸爸。」
「我哋都好錫皮皮，皮皮都好錫我哋。」家姐望一望呀妹講。
妹：「係呀，我都好錫皮皮、鳳鳳、堅堅，同呀花。」
「Goodnight ，家姐，goodnight ，妹，goodnight ，皮皮。」我同佢哋講。
「Goodnight，嗲哋。」
完。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2020年6月15日
