「批黃鬥黃」只會係失敗者聯盟

 

因反送中抗爭而起之副線任務——黃色經濟圈,在下從 Day1 就不看好,並非黃圈人士冇潛質做生意,而係因為人性本賤,尤其是香港人,外鬥通常外行,內鬥卻是內行,所謂黃營黃圈從冇大台冇認證,化整為零,無圈勝有圈而起,就算有心人冇機心地想整合團結資源,但當嚮應者眾,有圈子有大台有利可圖則會有更多人渾水摸魚,擴張勢力呢回事當然係批鬥同一光譜「敵人」比抗外敵容易。

黃圈黃賣黃鬥黃批黃鬥黃已經係不能說的公開祕密,當所謂黃店冇辦法以性價比活下去,卻要靠鬥黃賣弄立場去苟延殘喘,鬼咩,真金白銀做生意卻搵唔到食,鬥黃批黃塘水只能滾塘魚,仲要身家性命牌照全部視乎港共政權心情靚唔靚才能存活,尚未計算港共依法治人,以各種「合法」手段清算黃店,呢個一味販賣口號及激情,卻無法建立持續發展營運模式嘅「經濟圈」,其實早晚名存實亡。

就算單單拿「黃食店」呢個命題來剖析一下,也是站不住腳。

「黃食店」,Who What Why When Where + How,界黃定黃,冇大台當然冇公信力準則,意圖築大台搶光環嘅小朝廷嘍囉唯有攪小圈子鬥黃,所謂黃圈嘅基本倫理邏輯,一被批判就散功。至於由黃營黃客界定何謂黃,亦莫衷一是,某某食店老闆係藍?佢親身撐警兼出名落簿登鱔稿,咁冇嘢好講啦,但堂堂批黃大會原來只係靠連登論壇暱名遮頭遮尾截圖 post 去定性某某係藍,兒戲過慈禧,之後人云亦云隨波逐流道聽塗說,一傳十,十傳百,各TG頻道一圖定黃藍生死。

原來某店門口貼一堆文宣3M貼就係「黃」,就算唔出聲冇表態,原來唔算黃就係藍,真箇教人搔甩頭皮,如此看待「黃色經濟圈」嘅黃營黃友,得罪講句你哋根本唔係想贏——打仗要贏,基本邏輯就係增加力量,減少阻力,黃友卻是本末倒置,藍或中立之力卻無法爭取,除咗養住一堆脫離政治口號就活不下去嘅寶號,對港共及其卵翼卻毫無威脅。

「批黃鬥黃」係人性,但如果你想贏,你就要控制自己心中嘅慣性及惰性,一味只靠攪鳩所謂同路人/中立者去自high只會係苗僑偉.jpg,更何況單係靠黃圈呢個七八九副線任務想贏?呢種靠打卡批鬥黃嘅所謂抗爭,只是自我感覺良好贖罪劵,唔好再講光復和革命啦,連敵人當你係敵人嘅資格都冇。

 

作者:爽健

爽健
不求聞達於諸侯,只願笑傲賞江湖。

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
歡迎讚好我們的facebook page,免費資訊源源送上。

文章資訊

ID: 207648
Date: 2020-06-17 07:42:57
Generated at: 2022-08-10 12:44:17
Permalink: https://www.vjmedia.com.hk/articles/2020/06/17/207648/「批黃鬥黃」只會係失敗者聯盟