Louis XVI taking leave of his wife and family（1793）
畫中，若干士兵試圖分開國王同佢嘅家人，路易十六一臉呆滯，緊緊捉住酒壺同酒杯，而餐椅上則擺住一隻熱辣辣嘅燒雞同另一杯酒。漫畫描述路易十六關心食多過家人，更突顯佢嘅可笑。
1789年7月14日，憤怒嘅巴黎民眾同叛軍攻陷巴士底監獄，法國大革命勢不可擋，席捲全國。
革命時代之中，反路易十六嘅諷刺漫畫遍地開花。一如對路易十四丶路易十五同其他法國皇室成員（攝政王千金百麗公爵夫人，因為暴飲暴食而死，皇室索性取消追悼演說），路易十六亦比人認為係貪饞嘅死肥仔（亦都係有事實依據），因此革命文宣將路易十六描繪為肥仔，並且深刻描述其具有肥仔一大特色：貪食。實際上，貪食除咗字面上嘅意思，更能令人聯想到政治上嘅貪得無厭丶沉重賦稅。革命黨人以此抨擊路易十六，同時以公豬同火雞比喻佢。
Caricature on the transfer of the royal family in the Temple① after the Revolutionary Tribunal of the French Revolution, France：18th Century
路易十六同佢嘅皇室成員，喺以上漫畫中身體被畫成火雞。火雞胃口巨大，似乎點食都食唔飽；同時火雞亦象徵愚蠢。
同期法國大革命文宣漫畫亦比擬路易十六做公豬。當時係歐洲公豬已具有貶義之意，人民視公豬為色慾（瑪麗皇后與性勾當）同貪饞（唔識品味食物而經常狼吞虎嚥之形象）嘅象徵。革命爆發前嘅反動文宣中，多有散佈瑪麗皇后會叫路易十六做「大肥豬」，路易十六被加上豬嘅形象，恰恰破壞咗佢作為君主嘅地位同形象——
“Oh! The damned animal annoys me to the point of rage. He’s so fat, so unsalable that I return from the market knowing not what to do with him.“
「呀！隻畜生真係好撚煩，成天就凈係識EAT SHIT SLEEP RECYCLE，肥到我都唔知點算！」漫畫如是說——亦預示路易十六嘅命運：1793年1月21日，國民議會經過審判，以叛國罪處死國王路易十六，而瑪麗王后則係喺10月16日被處死。
Festnahme von Ludwig XVI. und seine Familie, Varennes, 1791. Thomas Falcon Marshall ca. 1854
1791年6月21日，路易十六同家人出逃比利時，然而途中喺瓦杭納被截獲——諷刺漫畫因而以此大作文章。
Heavy birds fly slow, Delay breeds danger（1791）
約翰尼克遜（John Nixon）同克魯克香克（Isaac Cruikshank），係呢幅諷刺漫畫之中，描繪路易十六同家人係客棧入面被捕一刻嘅場景。瑪麗王后照鏡整理領巾，同時擔心丈夫花太多時間食嘢，因為如果想離開法國，要趕嘢路仲好很漫長：「快撚啲啦，我親愛的L o u i s，你仲未啃完嗰兩隻火雞，同嗰六支酒？你知啦，我哋仲要趕去蒙梅迪食夜晚飯呀。」同時，嚟咗個檢察官，通知國王佢已經被捕喇。路易十六坐係一隻火雞丶兩支酒前準備要大快朵頤，只對佢回答：「你老母X，食咗先講。」畫作強烈描繪路易十六貪食嘅醜態，而王室家族係瓦杭納被捕之後，各種諷刺畫作同文宣就一湧而生。
法國大革命已經過去超過200年，當年，諷刺漫畫家依然經常會拎肥胖同人同食物丶酒之間嘅關係大作文章。高貴階級臃腫身材恰好象徵佢哋係社會嘅寄生蟲和國家嘅異物。佢哋貪圖己利，完全唔理人民死活。
直到今日嘅政治漫畫，我哋仲可以搵到貪饞者如路易十六嘅傳統形象，畫成吸吮人民鮮血嘅水蛭：囤積脂肪等於囤積財富，光係一個渾圓嘅肚就足以代表肉體放縱無度，因此必須排除肥胖先可以令身體恢復健康。現代漫畫家亦競相畫肥仔同特別着墨於佢哋嘅肥：例如習近平丶特朗普等。
①指聖殿塔(Tour du Temple)：中世紀聖殿騎士團建立嘅堡壘，法國大革命皇室成員被關押於此。
為何今天好像剩下Mirror 一個偶團？
我去到2021年先唔再睇TVB——正向聯想 (Positive Association)
分手咪分手囉，三口六面講清楚好難咩？
【遊戲介紹】做個中世紀領主 《Going Medieval》極多玩法暗藏食人肉滿足饑餓度
薛定諤人生最尷尬的恥笑——薛定諤的貓實驗
寫於與舊單位分手之前——習慣化 (Habituation)
2020年6月18日
