【骨仔「手」記】骨女大家聽得多，骨仔呢？

今日做左5個客，好攰，不過睇錢份上，幾千蚊一日，一個月4-5萬，對於讀書唔叻又無一技之長，做按摩師真係唯一出路。

我就好衰，我淨係接女客，唔接男客，而且一定要預約，我唔想做到cheap ，不過我好有職業道德，我夠膽保證，每個客人嚟到都會好開心咁出返去，有時我寧願推客都唔想交行貨，你知呢個世界好嘢未必人人知，衰嘢就連太空人都會收到。

我平時都會增值自己，做下gym，keep 好體魄，你去揼骨都唔想件技師甩皮甩骨，所以我真係有付出先有收鑊。

當然，淨係齋按未必搵到咁多，我都有同啲女士提供特別服務，大家唔好誤會，我唔係做鴨，我淨係提供「手指」服務！其實好多女士都未必肯同其他男人有任何「入侵性」服務，唔係個個都衝破到心理障礙，但係「手指」服務就正正比到女士一種選擇，一種介乎於性服務但又唔會蝕底比人嘅感覺，同時又可以得到丈夫比唔到佢地嘅快感。

唔好以為「手指」服務好容易，其實難度在於每個女性敏感地方都唔同，用足球術語解釋：好似有啲女士鍾意「禁區外」搓波，有啲就鍾意「單刀直入」，有啲淨係玩界外球已經要吹雞完場。你要好快捕捉到女士敏感部位，令佢短時間得到快感，所以我成日都話，呢啲錢唔易搵。

我都做左呢行5-6年，發覺以前由兩三成客人需要特別服務，去到近幾年差唔多六七成女士都需要。更加好多都係慕名而來搵我，不過好似之前咁講，我唔會濫做，我真心想每個客人都得到佢想要嘅服務。

不過有幾項底線係一定要堅持：

1）唔會同客人私底下出街交往，你永遠都唔會清楚客人底細，我唔想出街會比人斬開幾碌。
2）唔會同客人發生性關係，我又講多次，我唔係鴨，我淨係做「手指服務」已經夠，做得一次愛就有下一次，咁不如直接做鴨，唔駛煩。
3）唔會過問/了解/同情客人私生活，客人要講，我唯有聽，聽完就立即唔記得，你知一日咁多個客，如果個個都要關心，我死都唔掂。
4）最後，係一定千萬絕對唔可以同客人發生任何感情！

講左咁多，下一次同大家分享下客人經歷！

（下期預告，我同客人發生左感情）

【骨仔「手」記】

作者：博則清

45歲，博覽群書，受高等教育，有幾個專業資格嘅咸濕阿伯，上年移居海外避難

閱讀後覺得好，請多多讚好及分享～：）