為咗生意，變黃、扮黃，ＯＫ架，形象同服務係產品嘅一部份。神像、連儂牆都係「裝修」啫，以前去畫舫食，俾多啲錢都係食裝修啲黃金大龍鳳。女人買化妝品，一大舊錢係買廣告令自己感覺良好，撻落塊面嘅除咗化學物質仲有好多ＭＡＲＫＥＴＩＮＧ。最緊要客戶開心，入嚟買嘢，啲貨去到，員工有錢開飯，交到租唔使執笠，呢啲每日放喺頭頂嘅刀斧，做老闆賺錢一直都唔容易。