無生意扮黃「盡地一煲」，雞仔鴨（Chickeeduck）周小龍算唔算識時務者？

唔係佢咁樣擺個戴防毒面具嘅示威者喺愉景新城Chickeeduck，我都唔知原來香港有賣衫嘅生意人會係黃。

正所謂「先知喺家鄉都唔受歡迎」，自從梁天琦2016年講光復香港時代革命，好多人到上年先開始執口水尾，但係執得來，好似忘記左梁生真係做左咩。大家記唔記得上水以前係點？係一街都藥房，一街都係往來中港嘅走私商人；大家記唔記得尖沙咀廣東道係點？全部名店sales 都唔得閒招呼香港客，佢地知道一口普通話嘅大陸客先俾得起。所謂嘅光復香港嘅context，係反抗緊呢種步步進逼令香港人窒息嘅生活變化。

而睇返呢間雞仔鴨Chickeeduck 嘅分店分佈，呢間野根本就係共犯。全部分店都係想食大陸客水。

SOGO、海港城、YOHO Mall、東薈城名店倉？香港人會去，反送中前就更多大陸人鍾意去。而家「光復」左，無乜大陸人，啲舖頭突然覺得可以做香港人生意了，都叫轉型正義丫？

再睇埋搵得到其他新聞：

上年表面上佢口口聲聲反對逃犯條例，但一講到「黃色經濟圈」，人地就梗係講金唔講心，開始大規模警民衝突之後，佢仍然心繫祖國，要同天貓搞網店。

唔知佢重慶間分店撤左資未呢？

不過正所謂識時務者為俊傑，邊度有著數就去，好正常丫，生意人係咁。

不過到今日先扮黃，好似遲左少少，我相信選民眼睛都好雪亮嘅？係咪？

作者：白木乩

聽聞係總編分身，專用來出D 與總編身份不符既膠文

閱讀後覺得好，請多多讚好及分享～：）