國安法未到,紅底新世界已經搶住奶鞋底。

政治 / 最新文章綜覽

 

童裝店Chickeeduck16號放個民主女神像,17號即刻比新世界出信警告要移除,話佢依個係展覽,要持有公眾娛樂場所牌照先搞得。Excuse me?幾時喺鋪頭放件嘢就係展覽?

每次關符政治不正確嘅時侯,財團、政府做嘢都係特別快。新城市圍欄加個鐵網又好、政府拍廣告要「止暴制亂」同「支持國安法」又好,連埋今次放代表自由,代表民主嘅女神像換嚟一日收信,大家都唔想「阿爺」唔開心,或者令「阿爺」覺得自己對打擊香港市民唔夠決心。從政又好,從商又好,最大嘅永遠都要睇中共頭,依個就係大富大貴嘅代價。

就好似而家新世界第三代話事人鄭志剛,開口埋口都係講藝術,又同巴黎PALAIS DE TOKYO搞合作,又開K11 Musea,仲獲法國政府頒發法國藝術與文學軍官勳比佢。你以為佢唔似上一代要咩都睇中共頭,你以為佢真係扔錢出嚟純粹為藝術?同巴黎PALAIS DE TOKYO嘅合作係聯同中國美術學校,大家簽咗三年合作計劃。展覽的確喺K11搞,不過係上海嗰個;K11 Musea講到幾靚幾有藝術氣息,結果又係一堆名店。個巨型滑梯要買飛、個教育園區要買飛、兩個音樂噴泉一個唔點用一個裝都未裝,只係一個有主題嘅新商場咁解,唔好真係諗住有幾多藝術品比你細味。至於文學軍官勳點嚟?原來又係「表揚他在中法文化交流,及為中國當代藝術作出的貢獻」。佢擺咁多心力落中國,又比咗咁多錢法國,點都要比樣嘢佢威下嘅係咪?

冇錯,只要係大公司,特別係地產商同銀行,你唔洗旨意佢地會有一秒考慮企香港依一邊。要講賺錢,佢地一定係奶中共鞋底。而身為現任中華全國青年聯合會(全國青聯)副主席、中國人民政治協商會議天津市委員會委員、中華青年精英基金會主席嘅鄭志剛,要用盡一切方法阻止任何有機會令阿爺不悅嘅機會,其實好正常。只係Dpark用咁多九唔搭八嘅理由,不如直接了當話比人知只可以掛「熱烈慶祝國安法即將成立」好過啦。

連放一尊雕像嘅勇氣都冇,唔知道對藝術有豐富認識嘅鄭志剛見到《自由領導人民》依幅畫嘅時侯有冇打冷震呢?

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
歡迎讚好我們的facebook page,免費資訊源源送上。

文章資訊

ID: 207795
Date: 2020-06-23 07:03:17
Generated at: 2022-12-03 05:01:22
Permalink: https://www.vjmedia.com.hk/articles/2020/06/23/207795/國安法未到,紅底新世界已經搶住奶鞋底。