【骨仔「手」記】按摩師同顧客發生感情關係,將會好麻煩

 

「點解你咁鍾意著黑色絲襪?」

「因為我隻腳靚,又長又直,著左啲仔會眼金金望住我,我好鍾意呢種比好多人望著嘅感覺。」

「但係夏天30幾度你都著黑絲,會唔會過分左啲呢?你隻腳會唔會好臭?」

「你自己攞隻腳嚟聞下就知臭唔臭!」

我一手捉住左大腿內側,呢個位係好多女性敏感部位,根據我經驗,百分之八十以上女性一比人摸到大腿內側都會自然張開雙腿。

當然佢都唔會例外,當我一觸碰佢大腿內側,雙腿自然張開,突然佢輕輕呻吟左一下,雖然係只係輕呼一聲,但係非常蝕骨銷魂,令我畢生難忘!

自此佢就成為左我女朋友,我亦成為左朋友間男人公敵。我亦自覺係世間最幸福嘅男人。而黑絲就成為咗我哋嘅定情信物!但世事就係咁,當你自覺幸福,好可能就會係痛苦嘅開始。

 

順利完成,呢位神秘客人比左好豐厚貼士,好明顯佢相當滿意我服務,我亦盡心盡力去滿足佢嘅需要,由佢不斷發出蝕骨銷魂嘅呻吟聲可以知道,呢位客人真係久旱逢甘露,有幾次用佢修長雙腿差啲夾斷我隻手。雖然全程大家都不發一言,但我覺得彼此之間有一種無形溝通。

「明希,唔係,經理,個客人滿唔滿意,今次你就好啦,無端端收左多左十倍錢,幾時請我食飯?」

經理個樣好奇怪,不發一言,好似怪我無端端搵啲嘢嚟講,其實佢係知我想點,話晒係佢帶我入行,我估除左我阿媽,呢個女士算係最了解我。

「下個客就快到,你去準備一下。」明希一直低著頭,望都無望我。

我突然靈機一觸,計上心頭,惡向膽邊生。

「經理,麻煩你幫個忙,我有一張陳年交通告票,下個月要上法庭,告我不小心駕駛,你幫我同頭先個客講一聲,叫佢幫我攪掂佢。」

「你有冇攪錯,你嘅事關人咩事,你叫人地點幫你?你係唔係玩嘢?」我從來無見過明希發咁大脾氣。

「總之我唔理,如果我下個月仲要上庭,我就爆大鑊!就係咁,無咩事我返出去做嘢先。」頭也不回返去休息室,幾型!

 

唔駛一個星期,警務處交通部寄左封信去我屋企,承認程序出錯,會撤銷對我嘅控罪,唔駛上庭,仲唔駛罰錢,差啲送埋义燒飯比我。個單嘢明明係我超速駕駛,撞爛左幾枝燈柱,仲要唔肯上庭,拖左成年,一句程序出錯就攪掂。真係想即刻打比個位好x出名嘅資深大律師,我身為黃絲真係想問佢幾時過嚟按摩,我想over his dead body!

「你真係要分手?點解?」我估每一個比人飛都會問呢個問題。

「我有理想,我份工唔方便有咁多感情瓜葛,我將會完全暴露我生活,活响大家嘅注視下。」佢今日著左我最鍾意嘅黑絲,但已經唔再屬於我。

我知道佢從來都鍾意出風頭,鍾意比好多人望住,我一直以為佢會參加選美入娛樂圈,點會估到佢入左一個比娛樂圈更黑暗,更勢利,更虛偽嘅行業。

自從上星期我向明希發爛渣,佢一直都無同我講過嘢,我send message 比佢佢又無覆,係唔係仲嬲緊?

今日明希無返工,大老闆親自嚟左,叫左我入房,講左一個好震撼嘅消息。

 

(下期預告:血戰風間由美)

 

【骨仔「手」記】

 

作者:博則清

45歲,博覽群書,受高等教育,有幾個專業資格嘅咸濕阿伯,上年移居海外避難

閱讀後覺得好,請多多讚好及分享~:)

其他熱門文章

歡迎讚好我們的facebook page,免費資訊源源送上。

文章資訊

ID: 207813
Date: 2020-06-24 06:12:32
Generated at: 2020-07-09 10:04:39
Permalink: https://www.vjmedia.com.hk/articles/2020/06/24/207813/【骨仔「手」記】按摩師同顧客發生感情關係,將