承擔,可能就係你樂於做唔樂意嘅事。

 

 

冇人會想做自己唔樂意嘅事,因為每個人都想自己嘅生活開心啲。十二三歲會掛住打機唔做功課、十七八歲會想晚晚去蒲唔想讀書,就算冇錢玩要返Part Time都要搵份同事玩得埋,做落又唔特別辛苦嘅先會做耐少少。

直到有一刻你會發現當生活再唔係只需要顧自己,當你要諗嘅唔再只係今日幾時完,今個月卡數有冇錢找。可能你因為家庭問題未夠廿歲已經會識諗,可能你廿到尾慢慢先醒覺,甚至你已經過咗三十歲,不過好幸運仲唔洗諗住。人愈大,要諗嘅嘢愈多係必然嘅事:父母開始多病痛、女朋友開始要諗有個名份比佢、置業好定移民好、如果要生小朋友你又要洗多幾百萬。未必個個都係同樣年齡會面對一樣嘅事,但就算比你遲人十幾廿年都好,依啲問題喺你人生都走唔甩。

擔子愈重,你就冇可能但求輕鬆渡日,開始明白每一蚊都要洗得有價值,亦會了解到點解啊媽要行過兩條村嘅街市買餸就係為咗菜心每斤平一蚊。以往返工辛苦啲都唔想做,但而家為咗承擔自己責任,搵多三幾千蚊令自己嘅家庭可以舒服啲啲,可能就算返六日嘅工都會考慮;以往返學就係瞓同玩,但而家為咗之後有能力喺公司搏上位,你放工仲會比錢去讀書唔怕冇得抖;以往你諗過買車就算冇錢買法拉利最少都要買架二手歐洲名車先啱自己,但而家你眼中就只有家庭車——SUV又好七人車又好,最緊要車屋企人車女朋友車埋隻狗都坐得舒服。

以前嘅你或者冇諗過有一日你會肯妥協咁多嘢,而且每樣都係自己心甘情願。

曾經我以為成熟就係代表痛苦地犧牲,不斷付出。但原來當你做每個決定都會好自然咁顧全大局,當你唔再放自己喺第一位,當你覺得自己辛苦少少可以換嚟家人同愛人嘅幸福其實都係件好事。當犧牲換來嘅唔再係痛苦,當你嘅人生唔再係只會諗自己,或者就係你有承擔,變得成熟嘅開始?

做一個成熟嘅人或者唔好玩。但當你樂於做以為自己唔樂意嘅事,好唔好玩,可能已經唔再重要。

 

 

作者:毛言地

毛言地
你有多久沒去找自己的理想?搏殺一天,回到家,倒頭就睡。 無言,只因生存太累。談理想?妄想; 毛言仍言,只因理想,本就是「理應去想」 http://www.facebook.com/MaoYanDe

閱讀後覺得好,請多多讚好及分享~:)

其他熱門文章

  • 【遊戲介紹】耍帥動作射擊遊戲 《Gungrave G.O.R.E》無限子彈變型棺材爽爆殺敵 by 五木
    主打耍帥和爽爆的動作遊戲,除了《Devil May Cry》外,還有另一個系列《Gungrave》(銃神)。新 […]…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 解構精神心理治療——輔導個案概念化(Case conceptualization) by 西多士
    如果問大家對「輔導」一詞想起甚麼?可能會聯想到精神疾病,情緒困擾,婚姻問題,家庭暴力等。其實,「輔導」並不如有些人想得這般負面的。先說說「輔導心理學(counselling_psychology)」吧。!它是「應用心理學(applied_p…
  • 「𠒇」字係咩嚟?——港姐冠軍帶出嘅哲學問題 by 散彈一號
    試想象下,喺未有電腦嘅年代,如果你見到某張手寫嘅form上面,有人寫自己個名係「陳曼𠒇」咁啦。你會唔會即刻覺得自己唔識讀呢隻字,即刻走去查字典睇下個字點讀? 應該唔會掛。你第一個反應,可能會心諗:「嘩,呢個人寫個『兒』字寫得咁樣衰嘅。」…
  • Zopiclone——傳說中的安眠藥「白瓜子」 by 小小藥罐子
    Zopiclone,可以讓人入睡大約6至8個小時,所以,一般建議連續入睡至少8個小時,避免出現「宿醉(Hangover)」的機會。所謂「宿醉」,簡單說,透過安眠藥入睡後,如果睡眠的時間不夠長的話,醒來後,仍然可能會覺得睡意未散,頭昏腦脹,影…
  • 《鋼鍊》「等價交換」根本不是真理 by 方潤
    很多人提及《鋼》,都是提及等價交換原理,甚至以為《鋼》就是教人等價交換,其實是大謬。因為《鋼》的每一集都有這段開場白,由主角兩兄弟讀出:「人不作出犧牲,就不會得到任何回報,想得到一樣東西,就必須付出同等的代價。這就是煉金術的基本原則 - 「…
歡迎讚好我們的facebook page,免費資訊源源送上。

文章資訊

ID: 207996
Date: 2020-07-01 03:47:05
Generated at: 2022-12-03 03:25:09
Permalink: https://www.vjmedia.com.hk/articles/2020/07/01/207996/承擔,可能就係你樂於做唔樂意嘅事。