（入呢啲group 反而無咁怕）
對於「唔怕」嘅人，已經唔需要睇落去，就義係高尚嘅，歷史會記得你，雖然好多人唔記得左歷史係由勝利者書寫。
anyway，如果你選擇睇落去，其實你都想喺國安法生效之後，做少少野保護自己，唔好令自己誤墮法網。
第一件事問自己一個問題，你信唔信國安法係「無追溯力」。首先我會當自己信先。
無追溯力嘅意思，係2020年6月30日晚11點，《港區國安法》生效之前，所做有關國安法規定唔可以做嘅嘢，偉大寬宏嘅黨和國家，呀唔好意思，大部份國安法都係一國兩制之下執法，所以容我糾正，之前嘅嘢係香港政府係不予以立案調查追究。
即係話，首先有一樣嘢係唔需要做，就係喺fb 刪post。
不過又咁講，刪完安心啲，其實無咩所謂，至少no harm。
不過既然無用嘅fb 刪post 你都覺得要做，咁有一樣嘢，係被定性為「為恐怖組織提供信息支援」，甚至被執法人員以為你「參與恐怖組織」，咁你刪唔刪？
講緊嘅係好多人認為好安全嘅通訊軟件telegram。
本身個通訊軟件只係一件工具，用來做咩先係最緊要，然而就係好多人以為呢個軟件加密好安全，又無同中國香港執法者合作，所以就喺入面加入左好多群組。
呢一年多，好多人喺fb 改名，呢幾日好多人刪post，都係為左唔俾執法機構知道自己可能干犯《港區國安法》，而我覺得咁樣做係啱嘅。但如果你做齊呢堆嘢，然後日日喺telegram 討論香港獨立，睇下人地講幾時「行動」，你有無諗過，只要呢個group 有人真係講同埋做國安法入面講嘅「恐怖襲擊」，就會令呢group 人都被人話「參與」？
其實危言聳聽嘅唔係我，而係如果連fb post 都覺得要刪，就更加應該對唔知參與者身份嘅telegram group 小心啲。
仲有咩值得做？等再多啲人中招就知，但我希望睇得我寫嘢嘅人唔好中先。
我去到2021年先唔再睇TVB——正向聯想 (Positive Association)
香港濕熱世界第一！？談散熱和濕度的關係
【職業安全】英國警花分享：防刺背心唔係咁著. . .
【遊戲評測】《血咒之城：暗夜儀式》新生惡魔城 四年等待完全值得
分手咪分手囉，三口六面講清楚好難咩？
薛定諤人生最尷尬的恥笑——薛定諤的貓實驗
2020年7月5日
