國安法生效後的自處

政治 / 最新文章綜覽

 

 

國安法生效當日除了那些食飽人血饅頭的人物閃電割蓆,另外最多見的就是刪page、刪post、刪朋友。

為蘋果寫了十幾年的利世民宣佈刪page, 封筆,仲有孫柏文,他們寫的文我都有睇,後者仲要早已離港,仍要避忌。另外一個作家朋友宣佈,Facebook 只保留現實認識的人,其他全刪,這位仁兄有新書要出,雖知Facebook 有很多讀者唔係現實生活係朋友,刪了大量潛在讀者,對宣傳新書非常不利。

 

這是時候我檢視一下自己的社交媒體:

 

Telegram

今日睇完容總分身白木乩出呢篇文,即刻行動!雖然我沒有係Telegram 發表意見,但始終係群組都係危險,裡面的內容係今日標準來講全部犯法,於是我不停刪,刪都刪唔完,只好把心一橫,整個apps剷掉。

 

Facebook

處理Facebook 比較狠的,就是刪除所有post,所有相,變成一個吉戶口,你仲可以每日睇news feed, 週圍留言,膠吹。

這種做法需要大量時間,係咁刪,手指抽筋,比較容易做到的,就係審視朋友名單,國安法裡係有包含篤灰的!而我地由細到大習慣言論自由,一定有講錯嘢,政治唔正確的時候,物以類聚,正常而言,你的朋友應該係同類,但唔可以太大意,睇下你的朋友裡有冇寶石級藍屍,雖知有人一場相識,睇你唔順眼,做你一鑊。

 

WeChat

考慮下有沒有用WeChat 的理由,沒有的話應直接刪除。

 

社交網絡以外

北上

所有去年有去過抗議的人都唔應該返大陸,君不見週圍有國安影相! 劉細良話識好多國安已成城中笑話,實際上真係好多係度做嘢,被影相的返大陸就被人臉辯識認出,大家仲記唔得去年抗議時揮英國國旗嗰個七八十歲阿婆? 佢係深圳被捉了,關在褔田拘留所,後來放了出來,根據佢話,人在深圳,仍冇自由,被監視,仲要接受愛的教育! 我幼稚園小學係北角間老牌講國語的愛國學校讀,我記得我有讀過愛的教育,軟性灌輸愛國。

還有Simon Cheng,佢唔去深圳點又會被捉去坐老虎椅,嚴刑逼供呢!佢仲要係拘留所發現好多香港人,燒山話大陸安全過香港,咪7理,留番比愛國人士擁抱大灣區。

 

留家

現在這氣候,不應去抗爭,都係去送死,7月1日那個被捕電單車手,全身多處骨折在醫院,據悉傷勢係被捕後得來的,佢亦即刻被控,已提堂,劉偉聰大律師出庭辯護,,我肯定劉律師係呢刻係義務,那個被告仍在醫院,點咁快申請法律援助,所以劉律師出庭辯護係收唔到錢,純出於對年青人的愛護,申請到法律援助已係之後未發生的事,而劉律師正忙於泛民初選,年輕人,你地應知道你出事,後面有關心你的人大費周章去救你。

 

香港從此不一樣,我地要開始重新適應。

 

作者:Maru

Maru
鍾意搞爛gag 同派膠

閱讀後覺得好,請多多讚好及分享~:)

其他熱門文章

  • 【遊戲攻略】解鎖二三艘潛艇教學 《Monster Hunter Rise》刷國王獨角仙悶到瞓著 by 滅盡殺手
    早兩日我哋嘅一篇小知識技巧篇入面有提到要盡快解鎖收集道具必備嘅潛水艇,雖然做村任好快就會有第一隻潛水艇,但係要 […]…
  • 《星際啟示錄》全面大解構 by 湯子霈
    (以下內容全面劇透,及粗淺解釋科學理論)《星際啟示錄》(Interstellar)故事簡單,講述人類在地球面臨末日,美國太空總署探索新星球進行太空移民,延續人類文明。不過,全片涉及大量科學及物理常識,即使是理科生也未必完全明白;同時,劇情探…
  • 【Reg Day 攻略】大學新生註冊四件事 by Cube
    不要以為,Reg Day只是單純報到,拿張學生證就完事。這一天是十分重要的,不想留下不愉快的回憶,就要好好準備了。…
  • 港大舍堂次文化雜談(上):迎新與仙制 by 殷琦
    迎新是Hall的大事。…
  • 【憂傷的嫖客】「環保吹」 by 菠蘿
    某天下午,就在我們對一樓一場所集中地進行實地考察的時候,遇見了一行三人、正在「洗樓」的嫖客小隊。所謂洗樓,就是嫖客在一樓一鳳姐集中的大厦,向每個鳳姐單位門口按鐘、逐個審視,直至他們遇上合眼緣的鳳姐,與她們進行交易為止。而這三人有別於一般的嫖…
  • 其實點先算係鍾意一個人? by 小盛女
    其實我都唔係好清楚(嗱唔好打我),不過以下有幾點可以畀大家參考吓。首先,你會乜都想同佢講,就算係啲無聊低能嘢,當你工作上好大壓力或者遇到唔開心嘅事,你都會同想同佢講,因為你知道佢會靜靜哋聽你呻,雖然唔一定會幫你解決到個問題,但係女人要嘅從來…
歡迎讚好我們的facebook page,免費資訊源源送上。

文章資訊

ID: 208126
Date: 2020-07-05 18:29:40
Generated at: 2022-08-11 14:37:36
Permalink: https://www.vjmedia.com.hk/articles/2020/07/05/208126/國安法生效後的自處